बैतडीः बित्तिय साक्षरता कक्षामा लागु औषध दुव्र्यशनीका बारेमा छलफल

प्रदेश समाचार

Home
प्रदेश समाचार
बैतडीः बित्तिय साक्षरता कक्षामा लागु औषध दुव्र्यशनीका बारेमा छलफल

बैतडीः बित्तिय साक्षरता कक्षामा लागु औषध दुव्र्यशनीका बारेमा छलफल

बैतडी, ४ असार ।
दिन प्रतिदिन युवाहरु लागु औषध दुव्र्यशनीका फसिरहेका बेला रोकथाम र न्यूनिकरणका लागि बित्तिय साक्षरता कक्षामा सहभागि युवाहरु माझ सचेतनामुलक अन्तरक्रिया कार्यक्रम गरिएको छ । युरोपियन युनियन र अक्सफामको सहयोगमा युथ लिड जेशी परियोजना अन्तरगत सिमान्तकृत महिलाहरुका लागि महिला संस्था (वाम) ले दशरथचन्द नगरपालिका वडा न ४ मा सञ्चालन गरिएको बित्तिय साक्षरता कक्षामा सचेतना मुलक छलफल गरिएको हो ।
छलफलमा जिल्ला प्रहरी कार्यालय बैतडीका सहायक प्रहरी निरीक्षक सुरत बहादुर चन्दले लागु औषध दुव्र्यशनी के हो? यसको असरहरु के के छन्?, कानुनी प्रावधान दण्ड जरीवाना लगायतका बिषयमा जानकारी प्रदान गरेका थिए । लागु औषधबो प्रयोगबाट निस्कने परिमाण डरलाग्दो हुन्छ, चन्दले भने, यसलाई नियन्त्रणका लागि युवाको पहल हुन आबश्यक छ, आजको छलफल प्रभावकारी रह्यो ।
उनले आगामी दिनमा युवा केन्द्रित सचेतनामुलक कार्यक्रमहरुलाई निरन्तरता दिने बताए । युवा नै कुलतमा फसिरहेको बेला यसलाई नियन्त्रणका लागि युवाहरु नै जागरुक भए भने प्रभावकारी हुने उनको भनाई छ । छलफलमा सहभागिहरुले आफ्नो गाउँठाउँमा लागु औषध दुव्र्यशनीको समस्या आउन नदिन कार्यक्रम प्रभावकारी रहेको बताए । उनीहरुले यस सम्बन्धी जनचेतनामुलक कार्यक्रमहरु कक्षा मार्फत टोल र बस्ती स्तरमा पनि गर्ने योजना बनाएको परियोजनाका फिल्ड अधिकृत जयराम बिश्वकर्माले जानकारी दिए ।

प्रकाशित मिति: बिहीबार, साउन ४, २०८० १२:०८

प्रतिक्रिया दिनुहोस्