बैतडीको सुर्नया–७ स्थित ‘छिडा’टोल पहिरोको उच्च जोखिममा

प्रदेश समाचार

Home
प्रदेश समाचार
बैतडीको सुर्नया–७ स्थित ‘छिडा’टोल पहिरोको उच्च जोखिममा

बैतडीको सुर्नया–७ स्थित ‘छिडा’टोल पहिरोको उच्च जोखिममा

News Chida Tola.jpg

बैतडी,
बैतडीको सुर्नया गाउँपालिका ७ को पत्थरकोट स्थित छिडा टोल पहिरोको उच्च जोखिममा रहेको छ । गाउँमाथिको जयपृथ्वी राजमार्गबाट खसेको पहिरोले छिडा टोल पहिरोको थप जोखिममा परहेको हो ।
जयपृथ्वी राजमार्ग स्तरोन्नतीको क्रममा कटान भएको क्षेत्रबाट पहिरो खसेको थियो । केहिदिन पहिलेको वर्षाले पहिरो गएको थियो । त्यसपछि लगातारजसो लेदोसहितको पहिरो बगीरहने गरेको छ । यसले छिडा टोलका खेतहरु पनि बगाएको छ भने आधादर्जन घरहरु पनि जोखिममा परेका छन् । यसैगरी लेदोसहितको पहिरोका कारण ओहोरदोहोर गर्न समेत समस्या भइरहेको स्थानीय चक्र कुवँरले बताए ।
‘स्थानीयहरुलाई ओहोरदोहोर गर्न समस्या छ, बालबालिकाहरु विद्यालय जानै सक्दैनन्, लगातार लेदोसहितको पहिरो आइरहन्छ, धेरै खेत बगाइसक्यो, घरहरु समेत जोखिममा रहेका छन् ।’ कुवँरले भने ।

No description available.
लगातार वर्षा भइरह्यो भने गाउँ नै पहिरोको उच्च जोखिममा रहेको अर्का स्थानीय दिपक कुवँरले बताए ।
स्थानीय सरकारलाई यसबारे जानकारी गराएको भएपनि खासै चासो नदिएका यहाँका स्थानीयहरुको गुनासो रहेको छ ।
यसबारे गाउँपालिकाबाट तत्काल कुनै योजना नरहेको बताइएको छ । गाउँपालिकाबाट हालका लागि कुनै त्यस्तो योजना नरहेको र सडक डिभिजन कार्यालयसँग आपसी समन्वय भइरहेको गाउँपालिका अध्यक्ष अमर बहादुर कुवँरले बताए । वर्षा कम भएपछि पहिरो नियन्त्रणका लागि आवस्यक संरचना निर्माण गर्न सकिने अध्यक्ष कुवँरले बताए ।
पहिरोले स्थानीय विस्तापित हुने अवस्था आएमा बिकल्प खोज्न सकिने समेत उनले बताए । यसका लागि गाउँपालिकाले सहयोग गर्ने उनले बताए ।