बैतडी,
‘गर्न खोज्या के हो बुझिराछैन, के गर्न खोजेको हो यो ? सबैलाई जाउँ भन्नुस....,’
‘के घेराउ गरेको यो? हेप्न खोज्ने, १० जना मान्छे हाँमि ल्याउन सक्दैनौँ ?, जुधाउन खोजेको हो यो !!’ ? डिलासैनी गाउँपालिकाका अध्यक्ष सन्तोष प्रकाश जोशी जोस्सिएर बोले ।
अर्काे पक्षबाट आवाज आउछ ‘हैन ५० वटा ल्याएपनि...’ यसपछि माहोल एकदमै तात्छ । केहि सिमित प्रहरी, जनप्रतिनिधि, कर्मचारीहरुले माहोल शान्त पार्ने हरदम प्रयास गरिरहेका थिए । धन्न अवस्था नियन्त्रण बाहिर गएन । दुबैपक्षका शीर्षस्त प्रतिनिधिहरु केहि समालिएपछि माहोल शान्त भयो ।
यो डिलासैनी गाउँपालिकाको केन्द्रमा बिहिबार भएको घटनाको सानो अंश हो । नेपाली कांग्रेस, नेकपा एमाले, माओवादी केन्द्र र नेकपा एसले सयुुक्त रुपमा गाउँपालिकालाई २६बुदे ज्ञापनपत्र पेश गरिसकेपछि भएको अनौपचारिक छलफलमा भएको घटना हो । कांग्रेसबाट जयानन्द जोशी, एमालेबाट बिपिन नाथ, माओवादी तलिक माल, नेकपा एसबाट बाशुदेव नाथ अग्रपन्तीमा थिए । उनिहरुले गाउँपालिका अध्यक्ष जोशीलाई सयुक्त रुपमा ज्ञापनपत्र बुझाए ।
झण्डै ५० देखि ६० जनाको समुह गाउँपालिकाको केन्द्रमा पुगेको राजनितिक दलका प्रतिनिधिहरुले नै बताएका छन् । तर गाउँपालिका अध्यक्षको कार्यकक्षमा चार वटै दलका ८ देखि १० जना सम्म मात्रै बसेका थिए । अन्य बाहिर थिए ।
ज्ञापनपत्र पेश गरिसकेपछि पनि अनौपचारिक रुपमा बसौँ भन्ने धारणा राखेकाले दलका आठदश जना प्रतिनिधिहरु गाउँपालिका अध्यक्षको कार्यकक्षमा उपस्थित भएको नेपाली कांग्रेसका डिलासैनी गाउँपालिका सभापति जयानन्द जोशीले बताए । ‘हामिहरु अनौपचारिक रुपमा छलफल गरिरहेका थियौँ, त्यहिबेला बाहिर भएका केहि ब्याक्तिहरुले गाउँपालिकाका कर्मचारी भनिएका तेजराज जोशीले धामीगाउँको विषयलाई लिएर सामाजिक सञ्जालमा राखेको धारणालाई दिएर वादविवाद भएको रहेछ ।,’ जयानन्द जोशीले भने । ‘त्यहि समयमा भित्रबाट गाउँपालिका अध्यक्ष ज्यू पनि जोस्सिएर बोल्नु भएको हो ।,’
झगडा गर्ने मनसाय आफुहरुको नरहेको बताउदै नेकपा माओवादी केन्द्रका युवा नेता तिलक मालले गाउँपालिकाको कर्मचारी भनिएका तेजराज जोशीले फेसबुकमा लेखेको विदादित धारणा प्रति जिज्ञासा राख्ने क्रममा बाहिर हल्लाको माहोल बनेको बताए । जोशीले गाउँपालिकाबाट सेवा सुविधा खाएर कुनै एक गाँउलाई केन्द्रित गरेर विवादित धारणा राखेको जयानन्द जोशीले बताए ।
यसबारे गाउँपालिका अध्यक्ष सन्तोष प्रकाश जोशीले बाहिर हल्ला गरिरहेकाहरुलाई पनि भित्रै बस्न भनिएको तर नमानेर उग्र हुन थालेपछि आक्रोस पोखेको बताए । ‘बाहिरनिर हान हान ‘घोगाड फाल’, लखेट त्योलाई, भन्ने आवाज सुनियो, मैले के भइरहेको हो, यो राम्रो भइरहेको छैन भनेर बुझ्न खोजे झन उग्र भइरहे, भित्र रहेका साथीहरुलाई पनि के भइरहेको छ भने केहि प्रतिक्रिया आएन, सबैलाई शान्त हुने भनेपनि कसैले मानेनन्, त्यसपछि उग्र भएको हुँ, अध्यक्ष जोशीले भने सुरुमा नम्र भएर नै उपस्थित थिए, बाहिरको झैझगडाको हल्लाले स्थिति बल्झिएको हो, अन्य केहि होइन ।’ उनले भने ।
गाउँपालिकाका कर्मचारी जेशीले ेखेको विवादित विषयप्रति मैले पनि कमजोरी भएको र स्वीकार गरि आगामी दिनमा नगर्ने वचन गर्न लगाएको समेत बताए । ‘यो विषयमा केहि दिन पहिले नै मैले चासो राखेर ती कर्मचारीलाई त्यस्तो नगर्न र गल्ति स्वीकार गर्न लगइसकेको थिए । तर हिजो त्यहि विषयलाई निहु बनएर अशान्त स्थिति बनाइीदए ।’
नितान्त रुपमा व्याक्तिगत फाइदा हुने खालको कार्यक्रम नल्याएको भएर उनिहरुले गाउँपालिकाप्रति आक्रोस पोखेको अध्यक्ष जोशीको दाबी छ । सामुहिक भन्दा पनि आफ्नो व्यक्तिगत योजना ल्याउने, व्यक्तिगत योजना नहालेमा रिसाउने, मैले भनको गर्नुपर्छ भन्ने भावना राख्ने गरेकाले उनिहरु असन्तुष्ट बनेको अध्यक्षको भनाइ थियो ।
उनिहरुले माग गरेको विषयलाई सम्बन्धित साखामा पठाइसकेको र प्रक्रिया अनुसार मागे अनुसारको सूचना उपलब्ध गराउन सकिने अध्यक्ष जोशीले बताए ।
गाउँपालिकामा हुदै गरेका कामकारवाही र भइरहेका कामहरुको जानकारी सहितको विवरण माग गरेको माओवादी केन्द्रका युवा नेता मालले बताए । ‘स्वास्थ्य केन्द्रको विषय जोडिएको छ, कर्मचारी नियुक्तीको विषय जोडिएको छ, योजना निर्माण देखि भएको भुक्तानीको विषयमा जान्न खोजेका हौँ ।’ मालले भने ।
गाउँपालिकाले खरिद गरेको डोजरको विषयमा पनि जान्न चाहेको कांग्रेस नेता जोशीले बताए । कार्यकर्ता भर्तीकेन्द्रको रुपमा गाउँपालिकालाई प्रयोग गरिएको समेत उनले आरोप लगाए ।
ज्ञापन पत्रमा कर्मचारीको सेवासुविधा देखि पालिकामा भइगरेका कामकारवाहीका विषयहरु समेटेको राजनितिक दलका प्रतिनिधिहरुले बताएका छन् । राम्रा कामहरुको सम्मान गर्ने र नियमसंगत नभएका कामहरुको खबरदारी राख्ने आफुहरुको लक्ष रहेको उनिहरुले बताएका छन् ।
यसैगरी गाउँपालिकाका प्रबक्ता यज्ञ भट्टले पनि गाउँपालिकाले हालैमात्र सार्बजनिक सुनुवाई गरेको र उक्त समयमा पनि धेरै योजना र कामका बारेमा जानकारी गराइसकेको बताए । ‘अधिकांस जान्न चाहेको विषयमा सार्बजनिक सुनुवाई कार्यक्रममा बताइसकेका छौँ, त्यो दिन पनि सबै साथिहरु अन्तिमसम्म बसेनन्, हिजो सूचना माग्न आउदा जम्भो टोलि लिएर आए ।’ उनले भने ।
गाउँपालिकाको सर्वपक्षिय विकाससँग हातेमालो गर्न गाउापालिका अध्यक्ष जोशीले आग्रह गरे । भौगोलिक किटता भएको क्षेत्रमा धेरै समस्या रहेको र क्रमैसँग विकास गरि समृद्ध डिलासैनी बनाउन सबैलाई आग्रह गर्छु, उनले भने ।
