पुर्चाैडी पहिरोः हालै खनेको सडकबाट झरेको पहिरोले आमाछोरा अस्ताए

प्रदेश समाचार

Home
प्रदेश समाचार
पुर्चाैडी पहिरोः हालै खनेको सडकबाट झरेको पहिरोले आमाछोरा अस्ताए

पुर्चाैडी पहिरोः हालै खनेको सडकबाट झरेको पहिरोले आमाछोरा अस्ताए स्थानीयले जोखिम हुनेगरी नकाट्नुस भनेका थिए

पुर्चाैडी नगरपालिकाले जथाभावी रुपमा सडक निर्माण गरेका कारण आमाछोराको मृत्यु हुनेगरी पहिरो गएको पाइएको छ ।
गत जेठमा त्यहाका स्थानीयहरुले बिरोध जनाउदाजनउदै सडक निर्माण गरिएका र सोही सडकबाट खसेको माटोसहितको कारण पहिरा गएको बताएका छन् ।
सोही टोलका वडा सदस्य समेत रहेका कृष्ण बहादुर बोहराका अनुसार स्थानीयहरुले गाउँको बीजबाट सडक नलग्न भनेको भएपनि नगरपालिकाले सडक कटान गरेको र सोही सडकबाट खसेको पहिरोले सोमबार बिहानको पहिराले उक्त क्षति भएको बताए ।
वडा सदस्य बोहरा भन्छन, त्यहाँका केहि परिवारहरुले गाउँको बिचभागबाट सडक नलग्न भनेको भएपनि नगरपालिकाले सडक कटान गरेको हा । ‘गाउँको धेरै माथिबाट लग्न भनिएको थियो, नगरपालिकाले काटान गरीछाड्यो, त्यहिँ सडकबाट खसेको पहिरोले यत्रो क्षति पुग्यो,’ सदस्य बोहरा भन्छन् ।
अर्का स्थानीय जनक बोहराले सडक निर्माणमा फरक मत राख्दाराख्द नगरपालिकाले सडक कटान गरेको बताए । ‘हामिले बस्तीलाई जोखिम नहुने किसिमले सडक काट्न भनेका थियौँ, तर सुनेनन्,’ उनले भने ।
यसैगरी उक्त टोलका करिब ६ वटा घरहरु अझै जोखिममा रहेका छन् । वर्षादको मसयमा सडकबाट कटान गरिएको माटो घरमागि बगीरहने गरेको उनले बताए ।
स्थानीय सँग समन्वय गरि सकड काटिएको नगर प्रमुख दीपक बहादुर बमले दाबी गरे । ‘नगरपालिकाको आफ्नै जेसीबी लगाएर सडक कटान गरिएको हो, त्यतिबेला सबैसँग समन्वय गरेर नै सडक कटान गरिएको हो, सडकमा जम्मा भएको माटो बगेर पहिरो गएको रहेछ,’ उनले भने ।
सामबार बिहानको वडा नं २ को भैरुमा गएको पहिरोमा परी २५ वर्षीय अञ्जु जागरी र उनका छोरा ५ वर्षीय रिजन जागरीको मृत्यु भएको हो । घरमाथिको सडकबाट सेको पहिरोले आमाछोराको मृत्यु भएको हो । मृतक अञ्जुका श्रीमान रोजगारीको सिलसिलामा भारतमा छन् ।
मृतक अञ्जुका सासुआमा ४५ वर्षीय राइमती र देवर १७ वर्षीय गोब्बर जागरी घाइते भएका छन् । सोही घरमा पाहुना बस्न आएकी छिमेकी ६० वर्षीय जस्मा बोहरा पनि घाइते भएका छन् । घरमा पूर्ण क्षती पुगेको छ भने १४ वटा चौपाया पनि मरेका छन् ।

प्रकाशित मिति: सोमबार, साउन ८, २०८० १४:४५

प्रतिक्रिया दिनुहोस्