बैतडीमा किटजन्य रोग नियन्त्रणको लागि ‘लार्भा खोज तथा नष्ट’ अभियान

प्रदेश समाचार

Home
प्रदेश समाचार
बैतडीमा किटजन्य रोग नियन्त्रणको लागि ‘लार्भा खोज तथा नष्ट’ अभियान

बैतडीमा किटजन्य रोग नियन्त्रणको लागि ‘लार्भा खोज तथा नष्ट’ अभियान

बैतडी,
बैतडीमा किटजन्य रोग नियन्त्रणको लागि ‘लार्भा खोज तथा नष्ट’ अभियान थालिएको छ । डेंगो, औलो लगायतका किटजन्य रोग नियन्त्रणको लागि लार्भाको खोजी गरी नष्ट अभियानको थालनी गरिएको हो । वर्षादको समयमा जहात्यँही पानी जम्ने र पानी जमेको ठाउँमा लामखुट्टेले फुल पारेर लार्भा सहजै हुर्कने भएकाले पानी जम्ने ठाउँमा सफाई गरिएको स्वास्थ्य कार्यालय बैतडीले जनाएको छ । स्वास्थ्य कार्यालयको अगुवाईमा जिल्लाका सुरक्षा निकायका प्रमुख एवं प्रतिनिधि लगायत स्थानीय र सरोकारवाला निकायको उपस्थितिमा पानी जमेको ठाउँमा सफाई गरिएको स्वास्थ्य कार्यालय बैतडीका जनस्वास्थ्य अधिकृत तिर्थराज भट्टले बताए । सचेतना फैलाउने अभियान स्वरुप यो कार्यक्रम सुरु गरिएको र यसरिनै सबैले आ–आफ्नो घर वरपर पानी जम्ने ठाउँमा सफाई गरी लामखुट्टेको टोकाइबाट सर्ने रोग नियन्त्रण गर्न सबैले जुट्नुपर्ने उनले बताए ।
जिल्ला सदरमुकामको गोठलापानी र शासिलेक क्षेत्रमा आज पानी जम्ने ठाउँहरु गाडी तथा मोटर साइकलको टायर, घर वरपरका स–साना खाडल लगायतको क्षेत्रमा सफाई गरिइको थियो ।
लामो समयसम्म पानी जम्ने ठाउँमा लामखुट्टेल फुल पार्ने र त्यसपछि लार्भा हुर्किएर लामखुट्टेमा परिणत भई किटजन्य रोगको जोखिम हुने गर्दछ ।
लामखुट्टेको टोकाइबाट डेंगो, औलो लगायतका रोगहरुको जोखिम बड्छ ।

प्रकाशित मिति: मंगलबार, साउन १६, २०८० १०:३४

प्रतिक्रिया दिनुहोस्