टोलमै सामाजिक सुरक्षा भत्ता:ज्येष्ठ नागरिकलाई एक हातमा भत्ता अर्काे हातमा थर्मस

प्रदेश समाचार

Home
प्रदेश समाचार
टोलमै सामाजिक सुरक्षा भत्ता:ज्येष्ठ नागरिकलाई एक हातमा भत्ता अर्काे हातमा थर्मस

टोलमै सामाजिक सुरक्षा भत्ता:ज्येष्ठ नागरिकलाई एक हातमा भत्ता अर्काे हातमा थर्मस सामाजिक सुरक्षा भत्ता लिन बैंकसम्म आउन ज्येष्ठ नागरिक तथा अपांगता भएका नागरिकहरुलाई सास्ती भइरहेका बेला मेलौली नगरपालिकाले टोलमै गएर भत्ता वितरण गरिरहेको छ ।

स्टार बुलेटिन बुधबार, साउन १७, २०८०

बैतडीको मेलौली नगरपालिकाले टोलमै पुगेर सामाजिक सुरक्षा भत्ता उपलब्ध गराइरहेको छ । नगरपालिकामा साखा रहेको कुमारी बैंकसँग आवश्यक समन्वय गरी टोलमै पुगेर समाजिक सुरक्षा भत्ता उपलब्ध गराइरहेको हो । सोही क्रममा मंगलबार र बुधाबार वडा नं ८ मा भत्ता वितरणको काम भइरहेको नगरपालिकाले जनाएको छ । नगरपालिका र वडा कार्यालयबाट जनप्रतिनिधि र कर्मचारी तथा बैंकका कर्मचारीहरु यतिबेला सामाजिक सुरक्षा भत्ता टोलमै पुगेर वितरण गरिरहेका छन् ।
टोलमै पुगेर सामाजिक सुरक्षा भत्ता वितरण भइरहेको समयमा वडा नं ८ ले भने बृद्धबृद्धाहरुलाई थर्मस समेत वितरण गरीरहेको छ । एक हातमा सामाजिक सुरक्षा भत्ता र अर्काे हातमा थर्मस वितरण गराइन लागिएको वडा अध्यक्ष तपेन्द्र बिष्टले बताए । ‘टोलटोलमै पुगेर सामाजिक सुरक्षा भत्ता वितरण गर्ने कार्यक्रम हो, हामिले ज्येष्ठ तथा अपाङ्गता भएका नागरिकहरुको घरघरमै गएर भत्ता दिइरहेका छौँ,’ वडा अध्यक्ष बिष्टले भने, ‘वडा कार्यालयको तर्फबाट ज्येष्ठ नागरिकहरुलाई थर्मस पनि दिइरहेका छौँ ।’ उनले भने ।
नियमित रुपमा औषधी सेवन गरीरहने र तातो पानीको प्रयोग गरिरहने ज्येष्ठ नागरिकहरुको सहजताको लागि र्थस पनि वितरण गरिरहेको वडा अध्यक्ष बिष्टले बताए ।
मेलौली नगरपालिकाका क्रमागत रुपमा सबै वडामा गएर टोलबाट नै सामाजिक सुरक्षा भत्ता वितरण भइरहेको छ । ज्येष्ठ तथा अपाङ्गता भएका नागरिकहरुको सहजताका लागि टोलबाटै सामाजिक सुरक्षा भत्ता प्रदान गर्न लागिएको नगर प्रमुख भीम बहादुर चन्दले बताए ।
बैतडीमा सामाजिक सुरक्षा भत्ता पाउन सेवाग्राहीलाई निकै सास्ती हुने गरेको प्रयाप्त उदाहरण रहेका छन् । सोमबार समाजिक सुराक्षा भत्ता लिन ४ घण्टाको पैदल गरेर भत्ता बुझेर फर्किने क्रममा पञ्चेश्वर गाउँपालिका–६ का ७१ वर्षीय धन सिंह भण्डारी मृत फेला परेका छन् । सोमबार भत्ता लिन घरबाट बिहानै वडा नं ३ मा रहेको नविल बैंक पुगेका भण्डारी घर फर्किने क्रममा बाटोमै मृत फेला परेको वडा नं ६ का वडा अध्यक्ष राम सिंह पुजाराले बताए ।
गत वर्ष पनि सिगास गाउँपालिकामा भत्ता लिन ६ घण्टाको पैदल गरेर बैंकसम्म पुगेका एक जना वृद्धको बाटोमै मृत्यु भएको थियो ।

प्रकाशित मिति: बुधबार, साउन १७, २०८० १२:१६

प्रतिक्रिया दिनुहोस्