बैतडी बेवारिसे सुन प्रकरणः वैधानिक प्रमाण भेटिएन, अनुसन्धानको लागि भन्सार विभाग पठाइयो

प्रदेश समाचार

Home
प्रदेश समाचार
बैतडी बेवारिसे सुन प्रकरणः वैधानिक प्रमाण भेटिएन, अनुसन्धानको लागि भन्सार विभाग पठाइयो

बैतडी बेवारिसे सुन प्रकरणः वैधानिक प्रमाण भेटिएन, अनुसन्धानको लागि भन्सार विभाग पठाइयो

बैतडी,
बैतडीको पाटन नगरपालिका–८ खोडपेमा आइतबार दिँउसो शंकास्पद अवस्थामा फेला परेको सुनबारे वैधानिक प्रमाण नभेटिएको पाइएको छ । आइतबार दिउँसो काठमाण्डौबाट दार्चुलाका लागि आइरहेको सुपप्र ०२००१ ख १३०१ नम्बरको बसबाट छाडिएको केहि सामानको पोकामा सुन फेला परेको थियो । उक्त सुनको वैधानिक प्रमाण नभेटिएपछि थप अनुसन्धानको लागि राजश्व अनुसन्धान विभाग कोहलपुर पठाइएको जिल्ला प्रहरी कार्यालय बैतडीका सूचना अधिकारी प्रहरी निरिक्षक लोकराज जोशीले जानकारी दिए ।
बिना बिल संकास्पद अवस्थामा बसबाट प्रहरी चौकीको पोष्टमा छोडिएको सुनको कुनै वैधानिक प्रमाण नभेटिएको प्रहरीले स्पष्ट पारेको छ ।
आइतबार दिउँसो बसका स्टाफहरुले खोडपे प्रहरी चौकीको इन्ट्री पोष्टमा केहि सामान छोडेका थिए । पाटन–८ का एक स्थानीयका आफन्तले काठामाण्डौबाट औषधी पठाएको भन्दै इन्ट्री पोष्टमा गएका थिए । प्रहरीले काठमाण्डौको गाडीबाट छोडिएको सामान हेर्दा सुन भेटिएपछि बरामत गर्दै अनुसन्धान अघि बढाएको थियो ।
इलाका प्रहरी कार्यालय पाटनबाट प्रहरी निरिक्षक कमल प्रशाद चौधरीको नेतृत्वमा खटिएको टोलीले सुन बरामत गर्दै इलाका प्रहरी कार्यालय पाटनमा लगिएको थियो । ८३ ग्राम ५२०मिलिग्राम (करिब ७ तोला अढाइ आना) परिमाणको सुन भेटिएको र बिल समेत नरहेको पाइएपछि बरामद गरेको थियो ।
मंगलबारसम्म उक्त सुनको वैधानिकताबारे कुनै प्रमाण नभेटिएपछि राजश्व अनुसन्धान विभाग कोहलपुर पठाएको जिल्ला प्रहरी कार्यालय बैतडीले जनाएको छ ।
सुन भेटिएको समयमा दार्चुलाबाट फोन समेत आएको थियो । फोनमा बिल समेत आफुसँग रहेको बताउने ती व्यापारीको बारेमा पनि कुनै प्रमाण भेटिएको छैन । अनुसन्धानका ललागि पनि फोन गर्ने व्यापारी तथा बसका स्टाफ लगायत कुनै पक्राउ परेका छैनन् ।

प्रकाशित मिति: सोमबार, साउन २२, २०८० १६:५५

प्रतिक्रिया दिनुहोस्