पाटन–९ मा शिक्षाको गुणस्तर सुधारको लागि सर्वपक्षिय अन्तरक्रिया

प्रदेश समाचार

Home
प्रदेश समाचार
पाटन–९ मा शिक्षाको गुणस्तर सुधारको लागि सर्वपक्षिय अन्तरक्रिया

पाटन–९ मा शिक्षाको गुणस्तर सुधारको लागि सर्वपक्षिय अन्तरक्रिया

बैतडी,
बैतडीको पाटन नगरपालिका ९ले शिक्षण सिकाई अभिवृद्धिका लागि शिक्षक, विद्यार्थी, अविभावक तथा जनप्रतिनिधिबीच अन्तरक्रिया कार्यक्रम गरेको छ । सोमबार वडा कार्यालयमा शिक्षण सिकाई अभिवृद्धिका लागि अन्तरक्रिया कार्यक्रम गरिएको हो । सबै पक्षले जिम्मेवार बन्नुपर्ने धारणा अनुरुप अन्तरक्रिया कार्यक्रम गरिएको वडा अध्यक्ष कालु सिंह भाटले बताए ।
गत शैक्षिक सत्रमा एसईईको परीक्षामा समेत नतिजा सन्तोषजनक नरहेका परिपेक्षमा गुणस्तर अभिवृद्धिका लागि खन्तरक्रिया कार्यक्रम गरिएको जिल्ला समन्वय समितिका सदस्य एवं सिद्धेस्वर माविका विद्यालय व्यवस्थापन समितिका अध्यक्ष प्रेम सिंह भाटले बताए । सबै पक्षसँग आवश्यक छलफल गरी सबै पक्षले आ–आफ्नो जिम्मेवारी निर्वाह गर्नुपर्ने विद्यालय व्यवस्थापन समिति महासंघका केन्द्रिय उपध्यक्ष समेत रहनु भएको भाटले बताए ।

No description available.
वडा नं ९ ले शिक्षा क्षेत्रमा नौलो अध्यास गरेको र अन्य वडाहरुले पनि सिको गरी गुणस्तर सुधारमा नयाँ कार्यक्रम ल्याउनुपर्ने पाटन नगरपालिकाका शिक्षा साखा उपप्रमुख बिर्खराज भट्टले बताए ।

आजको अन्तरक्रिया कार्यक्रममा विद्यालयमा अभिभावक उपस्थितिको कार्ड पनि वितरण गरिएको छ । विद्यालयका कार्यक्रममा अविभावकहरुको उपस्थिति भए नभएको रेकर्ड राख्नको लागि कार्ड वितरण गरिएको वडा कार्यालयले जनाएको छ । शिक्षण सिकाई प्रभावकारी बनाउनको लागि अविभावकहरुको पनि विद्यालयमा उपस्थित हुनुपर्ने भएकाले आफ्ना बालबालिकाको शिक्षण सिकाईको अवथा बुझ्न विद्यालयमा बेलाबेला उपस्थिति हुनुपर्ने र सोको विवरण कार्डमा उल्लेख गनुपर्ने वडा कार्यालयले जनाएको छ ।

No description available.
वडा नं ९ मा ४ वटा समुदायिक विद्यालय रहेका छन् । वडा अध्यक्ष भाटको संयोजकत्वमा सम्पन्न अन्तरक्रिया कार्यक्रममा जिल्ला समन्वय समितिका उपप्रमुख दमन बहादुर कुवँर प्रमुख अतिथि रहनु भएको थियो । यसैगरी पाटन नगरपालिकाका शिक्षा साखा प्रमुख बिर्खराज भट्ट, नेकपा माओवादी केन्द्रका जिल्ला संयोजक शंकर भण्डारी लगायत वडाका चार वटै विद्यालयका शिक्षक, विव्यसका पदाधिकारी, शिअसका पदाधिकारी र शिक्षासँग सरोकार राख्ने प्रतिनिधिहरुको उपस्थिति रहेको थियो ।