शिवलिङ्ग आधारभूत विद्यालयको भवन जिर्ण, अध्यापन गराउन समस्या

प्रदेश समाचार

Home
प्रदेश समाचार
शिवलिङ्ग आधारभूत विद्यालयको भवन जिर्ण, अध्यापन गराउन समस्या

शिवलिङ्ग आधारभूत विद्यालयको भवन जिर्ण, अध्यापन गराउन समस्या

बैतडी
बैतडीको सिगास गाउँपालिका–७ मा रहेको शिवलिङ्ग आधारभुत विद्यालयको भवनको छानो मर्मत नहुँदा पठनपाठमा समस्या भएको छ । तीन वर्षअघि हावाहुरीले विद्यालय भवनको छानो उडाएको भएपनि मर्मत नहुँदा पठनपाठनमा समस्या भैरहेको हो ।
कक्षा १ देखी ८ सम्म पढाई हुने सो विद्यालयमा झन्डै दुई सय जना विद्यार्थीहरु रहेको र भवन जीर्ण हुँदा पठनपाठनमा समस्या हुने गरेको विद्यालयका शिक्षक कर्णराम विकले जानकारी दिए । पहिरोको समेत जोखिम रहेको र ५ कोठामा मात्रै शिशुदेखि कक्षा ८ सम्मका विद्यार्थीहरुलाई बसाएर अध्यापन गर्नुपर्ने बाध्यता रहेको उनले बताए ।

विद्यालयको समस्याका बारेमा पालिकाले जानकारी भएपनि अहिले सम्म कुनै पहल नभएको उनले बताए । पालिकालाई समस्याका पटक पटक जानकारी गराएको पनि राष्ट्रपति शैक्षिक सुधार कार्यक्रममा हाल्ने आश्वासन दिएपनि अहिले कुनै काम नभएको शिक्षक विकले जानकारी दिए ।
४ कोठाको भवनमा एक विद्यालयको कार्यालय, एक कोठामा स्टोर र दुईकोठामा मात्रै विद्यार्थीहरुले बस्न पाएका छन् । विद्यालय भवन मर्मत नहुँदा बालबालिकाहरुलाई पठनपाठनका लागि निकै समस्या भएको छ ।
करिब ४ वर्ष पहिले भवन निर्माण समेत पूर्णरुपमा नगरेकाले पहिरोले झन जोखिम ल्याएको गाउँपालिका अध्यक्ष हरि सिंह धामीे बताए । ‘तीन चार वर्ष पहिले निर्माण गरिउको भवन पनि गतिलो बनाइदिएन त्यो विद्यालयले, पहिरो जाने ठाउँमा भवन बनाइदियो, त्यसपछि मर्मतका लागि पनि काम गर्नुपर्यो, अहिले जिर्ण भएको भवन निर्माणका लागि चालु आर्थिक वर्षमा पहल गर्छाैँ,’ अध्यक्ष धामीले भने ।
राष्ट्रपति शैक्षिक सुधार कार्यक्रमका लागि सिफारिस गरिने गाउँपालिका अध्यक्ष धामीले बताए ।