कैलालीको बुढीतोलामा आंशिक रुपमा एकतर्फी सडक सुचारु, जोखिम कायमै

प्रदेश समाचार

Home
प्रदेश समाचार
कैलालीको बुढीतोलामा आंशिक रुपमा एकतर्फी सडक सुचारु, जोखिम कायमै

कैलालीको बुढीतोलामा आंशिक रुपमा एकतर्फी सडक सुचारु, जोखिम कायमै

बैतडी,
कैलालीको बुढीतोलामा अवरुद्ध भीमदत्त राजमार्ग आंशिक रुपमा सुचारु भएको छ । बिगत ५ दिनदेखि लगातार मर्मतको काम गरिएकोमा शनिबार दिउसो आंशिक रुपमा मात्रै ट्याक खोल्न सकिएको प्रादेशिक ट्राफिक प्रहरी कार्यालय अत्तरियाका प्रहरी सहायक निरिक्षक जनक बहादुर धानुकले जानकारी दिए ।
गत सोमबार रातीको अविरल वर्षाका कारण कैलालीको गोदावरी नगरपालिका–४ को बुढीतोलमा सडक भासिनुका साथै सडकमाथिबाट पहिरो समेत खसेको थियो ।
मर्मत गरिएको सडक पनि लगातार भइरहेको वर्षाका कारण हिलाम्मे भएकाले सहज आवतजावत भने भइरहेको छैन । खाली सवारी साधनलाई मात्रै एकतर्फी रुपमा सञ्चालन गर्न दिइएको प्रादेशिक ट्राफिक प्रहरी कार्यालय अत्तरियाले जनाएको छ ।
खाली बस, ट्रक, जिप मोटरसाइकल लगायतका साधनलाई एकतर्फी सञ्चालन गर्न दिइएको छ । खाली सवारी साधनपनि हिलोमा फस्ने जोखिम बढेको बताइएको छ । मालवहाक सवारी साधन सञ्चालन गर्न नदिएका प्रहरीको भनाइ छ ।
सुदूरपश्चिम लगायतका देशका बिभिन्न ठाउँमा मंगलबारसम्म नै वर्षाको सम्भावना रहेकाले पूर्णरुपमा राजमार्ग सुचारु हुन समय लाग्ने बताइएको छ ।
त्यसयता सुदूरपश्चिम प्रदेशका तराईका जिल्ला प्रदेश राजधानी कैलाली र कञ्चनपुरबाट महाडका ७ जिल्ला आउने सवारी साधन तथा पहाडी ७ जिल्ला डोटी, अछाम, बाजुरा, डडेल्धुरा, बझाङ, बैतडी र दार्चुलाबाट कैलाली तथा कञ्चनपुर जाने सवारी साधन पूर्ण रुपमा ठप्प थिए ।

प्रकाशित मिति: शनिबार, साउन २७, २०८० १३:२७

प्रतिक्रिया दिनुहोस्