बैतडीको पाटनमा युवा सञ्जालद्वारा वक्तृत्वकला प्रतियोगिता, ठगुन्ना प्रथम

प्रदेश समाचार

Home
प्रदेश समाचार
बैतडीको पाटनमा युवा सञ्जालद्वारा वक्तृत्वकला प्रतियोगिता, ठगुन्ना प्रथम

बैतडीको पाटनमा युवा सञ्जालद्वारा वक्तृत्वकला प्रतियोगिता, ठगुन्ना प्रथम

बैतडी,
बैतडीको पाटन नगरपालिकाको नगर स्तरीय युवा सञ्जालले अन्तराष्ट्रिय युवा दिवसको अवसरमा वडास्तरीय छात्रछात्रा वक्तृत्वकला प्रतियोगिताको आयोजना गरिएको छ । पाटन नगरस्तरीय युवा सञ्जालको आयोजना तथा पाटन नगरपालिका र युवालयको सहयोगमा वक्तृत्वकला प्रतियोगिताको आयोजना गरिएको हा ।
प्रतियोगितामा पाटन नगरपालिका–५ का दिलेन्द्रसिंह ठगुन्ना प्रथम भएका छन् । प्रतियोगितामा पाटन नगरपालिका ३ की जयन्ती अवस्थी द्वितीय र पशुपति पाण्डेय तृतीय भएकी छन् । प्रतियोगितामा प्रथम हुनेले दुई हजार, दोश्रो हुनेले एक हजार पाँच सय र तेश्रो हुनेले एक हजार नगदसहित प्रमाण पत्र प्राप्त गरेको नगरस्तरीय युवा सञ्जालका सचिव निराजन पन्तले बताए ।
वक्तृत्वकला प्रतियोगितामा १६ जना युवाले भाग लिएका थिए । नगरयुवा सञ्जालका अध्यक्ष सञ्जु भण्डारीको अध्यक्षतमा सम्पन्न भएको कार्यक्रममा पाटन नगरपालिकाका नगरप्रमुख गौरीसिंह रावल प्रमुख अतिथी रहेका थिए । मुलुकको आर्थिक, सामाजिक, राजनीतिक र शैक्षिक क्षेत्रमा युवाहरुको सक्रिय सहभागिता हुन पर्नेमा नगर प्रमुख रावलले जोड दिएका छन् ।
यसैगरी अन्तर्राष्ट्रिय युवा दिवसको अवसरमा बैतडीमा युवा अधिकारको क्षेत्रमा काम गर्दै आएका तीन जनालाई सम्मानित गरिएको छ । दशरथचन्द नगरपालिकास्तरीय युवा सञ्जालको आयोजनामा भएको कार्यक्रममा दशरथचन्द नगरपालिका १ की निर्मला टेर, दशरथचन्द नगरपालिका २ की रेजिना टेलर र दशरथचन्द नगरपालिका ४ की निशा भट्टलाई प्रशांसा पत्र सहित सम्मानित गरिएको हो ।

प्रकाशित मिति: शनिबार, साउन २७, २०८० १६:५५

प्रतिक्रिया दिनुहोस्