बैतडीसहित सुदूर पहाडमा इन्धन अभाव

प्रदेश समाचार

Home
प्रदेश समाचार
बैतडीसहित सुदूर पहाडमा इन्धन अभाव

बैतडीसहित सुदूर पहाडमा इन्धन अभाव

बैतडी,
बैतडीसहित सुदूरपश्चिमका पहाडी जिल्लामा इन्धन अभाव भएको छ । एक सातादेखि अबरुद्ध भीमदत्त राजमार्गमा सहज आवगमन हुन नसकेपछि यस प्रदेशका पहाडी जिल्लामा इन्धनको अभाव भएको हो ।
राजमार्ग अबरुद्ध बनेसँगै इन्धन आपूर्ति रोकिएपछि चार दिनदेखि इन्धन सकिएको बैतडीको सत्बाझस्थित आयल स्टोरका सञ्चालक दीपक बोहराले बताए । ‘आन्तरिक रुटमा सवारी चलेकै छन्, तराईबाट इन्धनका गाडी आएनन्, यहाँ मौज्जाद रहेको इन्धन सकियो’ उनले भने । बैतडीमा एक मात्रै आयल स्टोर छ ।
दार्चुलाको गोकुलेश्वरमा रहेको बालिचन आयल स्टोरमा पनि इन्धन सकिएको छ । ‘५ दिन भइसक्यो इन्धन छैन,’ स्टोरका सञ्चालक सुरेश साउँदले भने, ‘एम्बुलेस र अत्याआवश्यक रुपमा चाहिनेहरुका लागिमात्रै १० लिटरका दरले दिइरहेको छु ।’
यतिबेला बजारमा इन्धन पाइन छाडेपछि आन्तरिक सवारीसाधन प्रभावित बनेको डडेल्धुरा उग्रतारा सर्बजनिक यतायात प्रा.लि.का खोडपे काउन्टर इन्चार्ज अर्जुन बिष्टले बताए । ‘केहिसँग मौज्जात रहेको इन्धनले गाडी चलिरहेका छन्, इन्धनकै अभावमा करिब ९० प्रतिशत सवारी साधन प्रभावित बने,’ उनले भने ।
तराइका जिल्ला कैलाली र कञ्चनपुरबाट ७ पहाडी जिल्लामा यतायात प्रभावित भएपछि खाद्यान्न लगायत उपभोज्ञको सामान पनि महंगीएको छ । खाद्यान्न तथा अन्य उपभोज्ञका सरसामान तराइका जिल्लाबाटै भित्रिने गरेका छन् । यसैगरी पहाडी क्षेत्रमा हुने तरकारी उपजले बजार पाएको छैन । आलु, बन्दा, मुला लगायतका मौसमी तरकारीले यतिबेला बजार पाएको छैन ।
सुदूरपश्चिम प्रदेशका तराईका जिल्ला प्रदेश राजधानी कैलाली र कञ्चनपुरबाट पहाडका ७ जिल्ला डोटी, अछाम, बाजुरा, डडेल्धुरा, बझाङ, बैतडी र दार्चुला आउने सवारी साधन तथा पहाडी ७ जिल्लाबाट तराइ जाने सवारीसाधन प्रभावित बनेका छन् ।
राजमार्ग पूर्ण रुपमा सूचारु भइनकसेको प्रादेशिक ट्राफिक प्रहरी कार्यालय अत्तरियाले जनाएको छ । पहाडबाट आउने गाडी र सानो गाडीहरुलाई सहज भइरहेको र लोड बोकेका गाडीहरु सञ्चालन गर्न निकै कठिनाइ भइरहेको ट्राफिक प्रहरी कार्यालय अत्तरियाका प्रहरी सहायक निरिक्षक जनक बहादुर धानुकले बताए । मर्मतको काम भने जारी रहेको उनले बताए ।

प्रकाशित मिति: मंगलबार, साउन ३०, २०८० १०:१२

प्रतिक्रिया दिनुहोस्