वडा अध्यक्ष हरिश बिष्टसँग प्रधानमन्त्री प्रचण्डको भेट, स्वास्थ्य लाभको कामना व्यक्त

प्रदेश समाचार

Home
प्रदेश समाचार
वडा अध्यक्ष हरिश बिष्टसँग प्रधानमन्त्री प्रचण्डको भेट, स्वास्थ्य लाभको कामना व्यक्त

वडा अध्यक्ष हरिश बिष्टसँग प्रधानमन्त्री प्रचण्डको भेट, स्वास्थ्य लाभको कामना व्यक्त समसामयिक विषयमा पनि छलफल

बैतडी,
मोटर साइकलम दुर्घटनामा परी गम्भिर घाइते हुनु भएका बैतडीको पाटन नगरपालिका ८का वडा अध्यक्ष हरिश बिष्टको स्वास्थ्य अवस्थाबारे प्रधानमन्त्री पुष्पकमल दाहाल प्रचण्डले चासो राख्नु भएको छ । शनिबार बिहान प्रधानमन्त्री निवास बालुवाटारमै बोलाएर अध्यक्ष बिष्टसँग भेट गर्नु भएको हो ।
यसअघि पनि प्रधानमन्त्री प्रचण्डले स्वास्थ्य अवस्थाबारे बुझ्नको लागि अस्पतालमै भेट्ने तयारी भएका थियो । तर समसामयिक केन्द्रिय राजनितिको अनुकुल परिस्थिति नमिलेका कारण भेट्न सकेका थिएनन् ।
स्वास्थ्यमा सुधार हुदै गएपछि गृह जिल्ला आउने तयारी भइरहेका बेला अध्यक्ष बिष्टलाई प्रधानन्त्री प्रचण्डले नै बालुवाटार बोलाएर स्वास्थ्य अवस्थाबारे चासो राख्नु भएको माओवादी केन्द्रका युवा नेता राजेन्द्र भट्टले बताए ।

No description available.
प्रधानमन्त्री प्रचण्डाका स्वकीय सचिव साबित्रा अधिकारीले अस्पतालमै पुगेर वडा अध्यक्ष बिष्टको स्वास्थ्य अवस्थाबारे पटकपटक बुझ्दै आइरहनु भएका थियो । अधिकारीकै पहलमा प्रधानमन्त्री प्रचण्डलाई अस्पतालमै पुगेर दुई पटक भेट्ने भनेर तयारी समेत गरिएको थियो । सुरक्षा व्यवस्था पनि पुरा गरिएको थियो । तर राजनिति घटनाक्रमका कारण अनुकुल समय मिलेको थिएन ।
त्यसपछि शुक्रबार स्वकीय सचिव अधिकारीले नै प्रधानमन्त्रीको भेट्ने चाहाना राखेको भन्दै वडा अध्यक्ष सहितको टोलीलाई बालुवाटार निम्ता गरिएको थियो ।
भेटका क्रममा प्रधानमन्त्री प्रचण्डले स्वास्थ्य लाभको कामना व्यक्त गर्नु भएको थियो । यसैगरी प्रधानमन्त्री प्रचण्डले गरिब जनताले दुर्घटनाको क्रममा पाउदै आएको दुःखको विषयमा पनि कुराकानी गरेका थिए ।

No description available.
यसैगरी बैतडीको समग्र विकासको विषयमा पनि चासो राख्नु भएको वडा अध्यक्ष बिष्टले बताए । केहि समय पहिले पनि माओवादी केन्द्रको जिल्ला कमिटिको तर्फबाट बैतडीको विकासका लागि ध्यानाकर्षण गराएका बताउदै बिष्टले बैतडीको शिक्षा स्वास्थ्य र पूर्वाधारमा चासो राख्न आग्रह गरिएको पनि बिष्टले बताए ।
यसैगरी बैतडीको पाटन नगरपालिका ९ स्थित ज्ञानेश्वर माविको एक करोड रकम फ्रिज गएको विषयमा पनि जानकारी गराइएको र आवश्यक पहलका लागि आग्रह समेत गरिएको अध्यक्ष बिष्टले बताए ।

No description available.
गत जेठ २९ गते कार्यालयको कामको सिलसिलामा पाटन नगरपालिकाको कार्यालयबाट गृह वडातर्फ आउने क्रममा विपरित दिशाबाट आइरको जिपले वडा अध्यक्ष सवार मोटरसाइकललाई ठक्कर दिदा गम्भिर घाइते भएका थिए । बिष्टसँगै सवार वडा नं ९ का वडा सचिव रामदत्त जोशी पनि घाइते भएका थिए । सचिव जोशी केहिदिन धनगढीमा उपचार गरेपछि काममा फर्किएका थिए । अध्यक्ष बिष्टको खुट्टामा गम्भिर चोट लागेपछि ललितपुर स्थित बी एण्ड बी अस्पतालमा २ महिनासम्म उपचार चलेको थियो ।