बैतडी,
बैतडीको दशरथचन्द नगरपालिका ४ शाहीलेकमा रहेको समृद्धि सुनचाँदी गहना पसलमा ग्यास सिलिन्डर बिस्फोट भई आगलागी भएको छ । शनिबार अप्रान्ह सवा ४ बजेको समयमा गहना बनाउने क्रममा ग्याँस लिक भई बिस्फोट हुदा आगलागी भएको जिल्ला प्रहरी कार्यालय बैतडीका सूचना अधिकारी लोकराज जोशीले जानकारी दिए । आगलागी हुदा पसलमा रहेका सुनचाँदीका सबै सामान जलेर नष्ट भएको प्रहरी निरिक्षक जोशीले बताए ।
४ः१५ मा लागेको आगो करिब आधा घण्टापछि नियन्त्रणमा आएको प्रहरीले जनाएको छ । अन्य कुनै क्षति नभएका प्रहरीले बताएको छ ।
