दुर्गास्थानमा क्याम्पस स्थापनाको पहलः पहिलो दिनको भेलाबाट साढे ७ लाख संकलन

प्रदेश समाचार

Home
प्रदेश समाचार
दुर्गास्थानमा क्याम्पस स्थापनाको पहलः पहिलो दिनको भेलाबाट साढे ७ लाख संकलन

दुर्गास्थानमा क्याम्पस स्थापनाको पहलः पहिलो दिनको भेलाबाट साढे ७ लाख संकलन

बैतडी,
बैतडीको मेलौली नगरपालिका–२ स्थित केदारेश्वर मावि दुर्गास्थानमा स्नातक तहसम्मको पढाइका लागि आवश्यक छलफल भएको छ । आज विद्यालयको प्राङ्गणमा सरोकारवाला निकायको उपस्थितिमा छलफल भएको हो ।
छलफलमा मेलौली नगरपालिकाका नगर प्रमुख भीम बहादुर चन्द, मेलौली २ का वडा अध्यक्ष कृष्ण दत्त भट्ट, मेलौली ३ का वडा अध्यक्ष गगन सिंह भाट, दशरथचन्द नगरपालिका ७ का वडा अध्यक्ष हरिदत्त बडु, पाटन ५ का वडा अध्यक्ष फुनि सिंह बोहरा लगायत ३ वटै नगरपालिकाका अभिभावकहरुको सहभागिता रहेको थियो ।
मेलौली नगरपालिकाका नगर प्रमुख चन्दले यस क्षेत्रमा क्याम्पसको आवश्यकता रहेको भन्दै नगरपालिकाबाट हुने आवश्यक सहयोग प्रदान गर्ने प्रतबद्धता ब्यत्तल गरे । आवश्यक पुर्वाधार र अन्य सहयोगको लागि नगरपालिकाबाट सहयोग हुने उनले बताए ।
छलफलका सहभागि जनप्रतिनिधि र अभिभावकहरुले क्याम्पस स्थापना गर्नमा जोड दिएका थिए । ३ वटै स्थानीय तहको पायक पर्ने स्थानमा रहेकाले दुर्गास्थानमा क्याम्पस सञ्चालन गर्न सबैले सहयोग गर्नुपर्ने पनि विद्यालयले आग्रह गरेको छ । यसैगरी आज बसेको बृहत आमभेलाबाट ७ लाख ५९ हजार ८५१ रुपैया संकलन गरिएको छ । डेढसय बढी अभिभावकहरुको सहभागितामा उक्त रकम संकलन भएको र सबै प्रतिनिधिहरुले क्याम्पस सञ्चालन गर्नेमा सकारात्मक देखिएको बिद्यालयका प्रद्यानाध्यापक लक्ष्मण बागले बताए ।
यही भदौ १ गते सुदूरपश्चिम विश्वविद्यालयले सम्बन्धन लिनको लागि निवेदन पेश गर्न जारी गरेको सूचनाको आधारमा उक्त विद्यालयाई पनि स्नातक तहसम्मको क्याम्पस सञ्चालनको लागि विद्यालयले आन्तरिक तयारी थालेको हो ।
क्याम्पस सञ्चालनको लागि कुनै एक संकाय सञ्चालन गर्न न्युनतम १५ लाख धरौटी बुझाउनु पर्ने, शिक्षकको सुनिश्चितता, भौतिक पूर्वाधारको उपलब्धता, सुपरिवेक्षक खर्च लगायतका प्रक्रिया पु¥याउनुपर्ने हुन्छ । सम्बन्धन गर्ने अधिकार विश्वविद्यालमा निहित हुने छ ।

प्रकाशित मिति: शनिबार, भदौ ९, २०८० १७:४४

प्रतिक्रिया दिनुहोस्