सुदूरपश्चिम समाज रामेछापले देउडा खेलेर मनायो गौरा पर्व

प्रदेश समाचार

Home
प्रदेश समाचार
सुदूरपश्चिम समाज रामेछापले देउडा खेलेर मनायो गौरा पर्व

सुदूरपश्चिम समाज रामेछापले देउडा खेलेर मनायो गौरा पर्व

जन्मथलो सुदूरपश्चिम भएर कर्मथलो रामेछाप भएका सुदूरपश्चिमेलीहरूले आज रामेछापको खाडादेवी मन्दिरमा भेला भई गौरा पर्व मनाएका छन ।

सुदूरपश्चिम समाज रामेछापको आयोजनामा गौरा पर्वको शुभकामना आदानप्रदान सहित देउडा खेलेर गौरा पर्व मनाइएको कार्यक्रममा सहभागी कन्टेस्वर माविका शिक्षक प्रकाश बहादुर बिष्टले जानकारी दिए ।

सुदूरपश्चिमको लोकप्रिय र मौलिक पर्व गौरामा रामेछाप जिल्लाको विभिन्न ठाउँमा विभिन्न पेशामा कार्यरत रहेका करिब डेढ सय जनाको सहभागितामा रहेको थियो ।

जन्मथलो जान नपाए पनि कर्मथलोमै गौरा मनाएर आफ्नो संस्कृतिलाई संरक्षण गर्न पहल गरेको र सुदूरपश्चिमेलीहरूका बिचमा कर्मथलोमा आपसी सद्भाव कायम गर्न सहयोग पुर्याएको बताइएको छ ।

यस्तै चन्द्र सिंह धामी संयोजक रहेको १३ सदस्यीय तदर्थ समिति र ७ सदस्यीय सल्लाहकार समिति समेत गठन गरिएको थियो । उक्त तदर्थ समितिले आर्थिक कोष गठन गर्ने निर्णय समेत गरेको थियो ।

प्रकाशित मिति: बुधबार, भदौ २०, २०८० १९:०१

प्रतिक्रिया दिनुहोस्