पाटन नगरले विद्यालयसँग भन्यो ‘शिशुदेखि ३कक्षासम्म अध्यापन समय समान बनाउनुस्’

प्रदेश समाचार

Home
प्रदेश समाचार
पाटन नगरले विद्यालयसँग भन्यो ‘शिशुदेखि ३कक्षासम्म अध्यापन समय समान बनाउनुस्’

पाटन नगरले विद्यालयसँग भन्यो ‘शिशुदेखि ३कक्षासम्म अध्यापन समय समान बनाउनुस्’

बैतडीको पाटन नगरपालिकाले प्रारम्भिक बाल कक्षा देखि कक्षा ३ सम्मको अध्यान अध्यापन समय समान बनाउन आग्रह गरेको छ । नगरपालिकामा रहेका सबै विद्यालयमा प्रारम्भिक बाल कक्षा र कक्षा ३ सम्मको वार्षिक कार्यघण्टा ८३२ हुन आउने भएकाले सोही अनुसार समान समय निर्धारण गरि कार्यान्वयन गर्न भनेको हो ।
एक सूचना जारी गर्दै नगरपालिकाले प्रारम्भिक बालबलिकास तथा शिक्षाको पाठ्यक्रम २०७७ बमोजिम प्रारम्भिक बाल कक्षाको आधारभूत सीप सिकाइको क्षेत्रको वार्षिक कार्यघण्टा ३८४, विषयगत सीप सिकाइको क्षेत्रको वार्षिक कार्यघण्टा १९२ र स्थानीय विषयबस्तु अन्तरगत स्थानीय तहमा प्रचलित मनोरञ्जनात्मक चलन, खेल, बालगित, बिभिन्न कथा, चालचलनको भूमिका तथा अभिनय, आरामका अभ्यास तथा अन्य स्थानीय, प्रदेशका बिशिष्ट रोचक अभ्यास वा रोचक विषयक्षेत्र समेटी दैनिक एक कार्यघण्टाका दरले २५६ कार्यघण्टा गरी प्रारम्भिक बाल विकास तथा शिक्षाको जम्मा बार्षिक कार्यघण्टा ८३२ भएकोले प्रारम्भिक बाल कक्षा देखि कक्षा ३ सम्मको अध्यान÷अध्यापन समय समान बनाइ प्रारम्भिक बाल कक्षा शिक्षकलाई समेत सोही समयसम्म कामकाजमा खटाउन भनेको छ ।
प्रारम्भिक बाल कक्षा शिक्षकहरु पूरा समयसम्म विद्यालयमा नबस्ने गरेको गुनासो आएकाले सूचना प्रकाशन गरिएको नगरपालिकाले जनाएको छ ।
विद्यालयहरुलाई समान समय निर्धारण गर्ने भनेको भएपनि नगरपालिकाले सूचनामा समय निर्धारण गरेको छैन । यस विषयमा शिक्षा साखाका प्रतिनिधिहरुसँग सम्पर्क हुन सकेन ।

patan Notice Edicatio For School1694426050.jpg