बैतडीमा जिप दुर्घटना हुँदा दुई जना घाइते

प्रदेश समाचार

Home
प्रदेश समाचार
बैतडीमा जिप दुर्घटना हुँदा दुई जना घाइते

बैतडीमा जिप दुर्घटना हुँदा दुई जना घाइते

बैतडीमा जिप दुर्घटना हुँदा २ जना घाइते भएका छन् । जिल्लाको पाटन–मेलौली सडकखण्ड अन्तर्गत पाटन नगरपालिका-६ अड्तोलामा जीप दुर्घटना हुँदा दुई जना घाइते भएका जिल्ला प्रहरी कार्यालय बैतडीका सूचना अधिकारी, प्रहरी निरीक्षक योगेश खत्रीले जानकारी दिए ।

डडेल्धुराबाट मेलौली जाँदै गरेको म १ ज ३०१ नम्बरको बोलेरो जीप मंगलबार राती साढे ९ बजे अड्तोलामा दुर्घटनामा परेको हो। शिवनाथ गाउँपालिका १ का प्रकाश चाँड र उनकी ५ वर्षीया छोरी अनुस्का चाँड घाइते भएका हुन् ।

प्रकाशको टाउको र अनुस्काको हातमा चोट रहेको छ ।घाइते दुबै जनालाई उपचारको लागि डडेल्धुरा अस्पताल पठाइएको छ। दुर्घटनाग्रस्त जीप नालामा खसेको छ । जीपमा सवार ११ जना रहेका भएपनि अन्य यात्रुहरुको अवस्था सामान्य रहेको छ।

जीपका चालक शिवनाथ गाउँपालिका २ का पदमराज कलौनीलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ।

प्रकाशित मिति: मंगलबार, भदौ २६, २०८० २३:२०

प्रतिक्रिया दिनुहोस्