बैतडीका १० जना विद्या भूषणबाट विभूषित

प्रदेश समाचार

Home
प्रदेश समाचार
बैतडीका १० जना विद्या भूषणबाट विभूषित

बैतडीका १० जना विद्या भूषणबाट विभूषित शिक्षकतर्फ वासुदेव मावि लिस्किटाका प्रधानाध्यापक जित बहादुर पाण्डेय र सनातन धर्म माविका बाल विकास शिक्षिका हंसा कुवँरसहित १० जना भिवुषित हुनु भएको हो ।

स्टार बुलेटिन मंगलबार, असोज २, २०८०

बैतडी,
सरकारले राष्ट्रिय शिक्षा दिवस २०८० को अवसरमा शिक्षा क्षेत्रमा योगदान पुर्याउने ९ सय ६२ जनालाई विद्या भूषणबाट विभूषित गरेको छ । शिक्षा, विज्ञान तथा प्रविधि मन्त्रालयले आज विभूषित हुनेहरूको नामावली प्रकाशन गरेको छ ।
सार्वजनिक विद्यालयका शिक्षकतर्फ बैतडीको सुर्नया स्थित वासुदेव मावि लिस्किटाका प्रधानाध्यापक जित बहादुर पाण्डेय र दोगडाकेदार गाउँपालिका स्थित सनातन धर्म माविका बाल विकास शिक्षिका हंसा कुवँर विभूषित हुनु भएको छ । सार्बजनिक विद्यालयका शिक्षकतर्फ दुबैजना विभूषित हुनु भएको शिक्षा विकास तथा समन्वय इकाई बैतडीका सूचना अधिकारी पुष्करराज शर्माले जानकारी दिए ।
यसैगरी बैतडीबाट थप ८ जना विभूषित भएका छन् । २०७२ सालमा नेपाल संस्कृति विश्वविद्यालयबाट व्यवस्थापन विषयमा विद्यावारिधि गरेका हरिदत्त पाण्डेय विभूषित भएका छन् ।
२०७४ सालमा सुदूरपश्चिम विश्व विद्यालयबाट स्नातकोत्तर तहमा मानविकि तथा सामाजिक सास्त्र संकाय अन्तरगत उच्चतम ग्रोट प्राप्त गरेका बैतडीका शेर बहादुर बिष्ट पनि विभूषित हुनु भएको छ ।
२०७६ सालमा पूर्वाञ्चल विश्वविद्यालयबाट स्नातकोत्तर तहमा कानून संकाय अन्तरगत उच्चतम ग्रेट प्रप्त गरेका आशिष पन्त पनि विभूषित हुनु भएको छ ।
सन २०१९ मा साइनाथ विश्वविद्यालय भारतबाट व्यवस्थापन विषयमा विद्यावारिधि गरेका चक्र बहादुर चन्द पनि विभूषित भएका छन् ।
वि.स. २०७५ सालमा नेपाल संस्कृति विश्वविद्यालयबाट नेपाली विषयमा विद्यावारिधि गरेका टीका प्रशाद भट्ट पनि विभूषित भएका छन् ।
२०७२ सालमा नेपाल संस्कृति विश्वविद्यालयबाट नेपाली विषयमा नै विद्यावारिधि गरेका चूडामणि पाण्डेय पनि विभूषित भएका छन् ।
२०७७ सालमा त्रिभुवन विद्यालयबाट रणनीतिक अध्ययन विषयमा विद्यावारिधि गरेका आनन्द सिंह भाट पनि विभूषित भएका छन् ।
२०७५ सालमा सुदूरपश्चिम विश्वविद्यालयबाट स्नातकतहमा शिक्षाशास्त्र संकायबाट उच्चतम तहको ग्रेट प्वाइन्ट प्राप्त गरेका गोरख बहादुरचन्द विभूषित भएका छन्।