शुक्रबारदेखि विद्यालय सुचारु गर्न दोगडाकेदार गाउँपालिकाको आग्रह

प्रदेश समाचार

Home
प्रदेश समाचार
शुक्रबारदेखि विद्यालय सुचारु गर्न दोगडाकेदार गाउँपालिकाको आग्रह

शुक्रबारदेखि विद्यालय सुचारु गर्न दोगडाकेदार गाउँपालिकाको आग्रह

बैतडी,

बैतडीको दोगडाकेदार गाउँपालिकाले शिक्षक आन्दोलनका कारण विद्यालय नै बन्द नगर्न आग्रह गरेको छ । एक विज्ञप्ति जारी गर्दै शिक्षकहरूको आन्दोलन प्रति ऐक्यबद्धता रहेको जनाउदै विद्यालय नै बन्द नगर्न आग्रह गरेको हो ।

शुक्रबारदेखि नियमित विद्यालय सञ्चालन गर्न आग्रह गरेको छ । संविधान प्रदत्त मौलिक हकको कार्यान्वयनमा प्रतिकुल प्रभाव पर्ने र विद्यालय शान्तिक्षेत्र राष्ट्रिय ढाँचा तथा कार्यान्वयन निर्देशिका २०६८ मा भएको व्यवस्थाको विपरित हुनेगरि कुनै पनि बन्द, हडताल र आन्दोलनको कार्यक्रम गर्न नमिल्ने कानूनी प्रावधान रहेको जानकारी गराउँदै शुक्रबारदेखि नियमित पठनपाठन गराउन अनुरोध गरिएको हो ।

शिक्षकहरूले उठाएका मागहरूमा समर्थन रहेको जनाउदै गाउँपालिकाले विद्यालय नै बन्द गरि गरिने आन्दोलनले विद्यार्थीको नियमित पठनपाठनमा बाधा पर्ने र आफ्ना मागहरू शान्तीपूर्ण रुपमा कानून बमोजिम सम्बन्धित पक्षसँग राख्न सकिने भएकाले यथाशीघ्र रुपमा शुक्रबारदेखि विद्यालय सुचारु गर्न भनिएको हो ।

सरकारले हालै संसद्‌मा पेश गरेको शिक्षा विधेयकको विरोधमा आन्दोलन चर्किएको छ । बैतडीका शिक्षकहरू पनि काठमाण्डौमा आन्दोलनमा सहभागि छन् । आन्दोलनमा ऐक्यबद्धता जनाउदै यहाँका विद्यालय पनि बन्द छन् ।

प्रकाशित मिति: बिहीबार, असोज ४, २०८० १४:१४

प्रतिक्रिया दिनुहोस्