पाटन–८सौखायामा ४ वर्षदेखि विद्युत विस्तारको काम अलपत्र

प्रदेश समाचार

Home
प्रदेश समाचार
पाटन–८सौखायामा ४ वर्षदेखि विद्युत विस्तारको काम अलपत्र

पाटन–८सौखायामा ४ वर्षदेखि विद्युत विस्तारको काम अलपत्र

बैतडी,

बैतडीको पाटन नगरपालिका–८ को सौखाया टोलमा विद्युत बिस्तार अलपत्र छाडिएको छ । ४ वर्ष पहिले नै विद्युत विस्तार गर्न भन्दै पोलहरु राखिएको भएपनि हालसम्म अलपत्र छाडिएका छन् । ४ वर्ष पहिले नै पोलहरु ल्यानएर छाडेको र २ वर्ष पहिले एक थानमात्रै तार छाडिएको थियो । त्यसयता छाडिएका तार र पोलहरु अस्तब्यस्त रहेका छन् ।

लामो समयसम्म विद्युत बिस्तारको लागि विद्युत वितरण केन्द्रसँग आग्रह गर्दा पनि कुनै सुनुवाई नभएको स्थानीय डम्बर सिंह बिष्टले बताए । विद्युत विस्तारको आश्वासन सबै निकायबाट आएको भएपनि कसैले आश्वासन पूरा नगरेको उनले गुनासो गरे । विद्युत वितरण केन्द्रले पनि कुनै चासो नदिएको पाइएको छ । ४ वर्ष पहिले नै ठेक्का खोलेर निर्माण गर्ने भनेको भएपनि हालसम्म निर्माण भएनभएको समेत जानकारी पाएको छैन । यतिमात्रै होइन कुन ठेकेदारले काम गरेको हो भन्ने बारे समेत जानकारी राखेको छैन । हालसम्म ठेक्का खोलेको खोलेको समय र निर्माणको जिम्मेवारी दिएको निर्माण कम्पनीको बारे कुनै जानकारी नरहेको विद्युत वितरण केन्द्रका प्राबिधिक इन्चार्ज माधव प्रशाद लेखकले जानकारी दिए । अहिले आफुलाई कुनै जानकारी नरहेको उनले बताए ।

विद्युत वितरण केन्द्र पाटनका इन्चार्ज केशव सिंह ऐरले अपुरा रहेको ठाउँमा विद्युतीकरणका लागि केन्द्रबाटै ठेक्का खोल्ने जानकारी आएको र अब विद्युत विस्तार हुने बताए । यता पाटन नगरपालिका वडा नं ८ को कार्यालयले पनि पटक पटक विद्युत वितरण केन्द्रलाई मौखिक तथा लिखित रुपमा नै आग्रह गर्दासमेत सुनुवाई नएको पाइएको छ ।

गत वर्ष मंसिरमा नै विद्युत वितरण केन्द्रसमक्ष सौखाया सहित ज्याफू, बमनथ्यौडा, पारी तिमले लगायतका क्षेत्रमा विद्युत बिस्तारमा यथासिघ्र सहयोगको आग्रह गरिएको थियो । खासै सहयोग प्राप्त नभएको वडा कार्यालयले जनाएको छ ।

हेर्नुहोस पत्र

wada n 81695306681.jpg
वडाका सबै ठाउँमा २ वर्षभित्रै विद्युत विस्तार गरीसक्नेगरी सबै निकायसँग आवश्यक समन्वय भइरहेको वडा अध्यक्ष हरिश बिष्टले बताए ।