बैतडीका स्थानीय तहका कर्मचारी आन्दोलनको तयारीमा

प्रदेश समाचार

Home
प्रदेश समाचार
बैतडीका स्थानीय तहका कर्मचारी आन्दोलनको तयारीमा

बैतडीका स्थानीय तहका कर्मचारी आन्दोलनको तयारीमा

बैतडी,
बैतडीका स्थानीय तहका कर्मचारीहरुले पनि संघीय निजामति विधेयक संशोधनसहित संसदमा पेश गर्न माग गरेका छन् ।
सरकारले विधेयक ड्राफ्ट मात्रै निर्माण गरेको छ । सोही अनुसार संसदमा पेश भई पारित भएको अवस्थामा स्थानीय तहका कर्मचारीहरु विभिन्न अधिकारबाट बञ्चित हुनेभन्दै उनिहरुले संसोधसहित संसदमा पेश गर्न माग गरेका हुन् ।
केहि पालिकाहरुमा संघर्ष समिति नै गठन गरेर आन्दोलनको तयारी थालेका छन् । जिल्लाको दोगडाकेदार गाउँपालिकाका स्वास्थ्य संयोजक नरेन्द्र नाथको संयोजकत्वमा संघर्ष समिति गठन गरिएको छ । सिगास गाउँपालिकामा शिक्षा साखा प्रमुख रमेश प्रशाद भट्टको संयोजकत्वामा संघर्ष समिति गठन गरिएको छ । सबै पालिकामा संघर्ष समिति गठन गर्ने स्थानीय तहका कर्मचारीहरुले बताएका छन् ।
निजामति विधेयक कर्मचरी मैत्री र नागरिकमैत्री नदेखिएको पाटन नगरपालिकाका कृषि साखा प्रमुख महेश प्रसाद अवस्थीले बताए । निजमती कर्मचारीको परिभाषाभित्र स्थानीय तहका कर्मचारीलाई नसमेटेको उनले बताए ।
एकै किसिमको परिक्षा, एउटै पाठ्यक्रम प्रर्णालीबाट र एउटै प्रक्रियाबाट सेवामा प्रवेश गरेको भन्दै समान व्यवहार गर्नुपर्ने अवस्थीको भनाइ छ । स्थानीय तहका कर्मचारीहरुले स्थानीय तहमा मात्रै रहनु पर्ने बाध्यकारी नियम हटाउनुपर्ने उनिहरुको भनाइ छ । सरकारले तयार पारेको ड्राफ्टमा संघीय निजामती कर्मचारीलाई पहिलो, प्रदेशकालाई दोश्रो र स्थानीय तहकालाई तेश्रो तहको कर्मचारी भास्य समेत देखिएको कर्मचारीहरुको भनाइ छ ।
स्थानीय तहहरुमा संघर्ष समिति गठन गरिएको र जिल्लास्तरीय संघर्ष समिति गठन गरि आन्दोलनको तयारी भइरहेको सिगास गाउँपालिकाका संघर्ष समिति संयोजक रमेश प्रशाद भट्टले बताए । ्
यसैगरी प्रशासकीय अधिकृत स्थानीय सेवाबाटै नै हुने व्यवस्था लागु गर्नुपर्ने, स्थानीय सेवाबाट प्रदेश र संघीय निजामती सेवामा प्रवेश गर्न उमेरहद लागु हुन नहुने, समायोजन भएकाहरुको भविष्यलाई उचित सम्बोधन गर्नुपर्ने माग राखेर आन्दोलन गर्न लागिएको हो ।
त्यस्तै सेवाअवधि गणनालाई न्यायपूर्ण बनाउनुपर्ने, कर्मचारी र जनप्रतिनिधिबीच दूरी बढाउने गरी सरुवाको प्रणाली राख्न नहुने लगायतका माग पनि उनीहरुको छ ।

प्रकाशित मिति: शनिबार, असोज ६, २०८० १५:२९

प्रतिक्रिया दिनुहोस्