पिपिएल आयोजनाको लागि आर्थिक सहयोगको अपिल,उचित सम्मानको घोषणा

प्रदेश समाचार

Home
प्रदेश समाचार
पिपिएल आयोजनाको लागि आर्थिक सहयोगको अपिल,उचित सम्मानको घोषणा

पिपिएल आयोजनाको लागि आर्थिक सहयोगको अपिल,उचित सम्मानको घोषणा

बैतडी,
बैतडीको पाटन नगरपालिकाको पाटन क्रिकेट क्लवको आयोजनामा पाटन प्रिमियर लिग हुन गइरहेको छ । २७ गतेसम्म टिम दर्ता गरिसक्नु पर्ने छ ।
विजेता टोलीले १ लाख ११ हजार १११ रुपैया पुरस्कार पाउने छ । द्धितिय पुरस्कार ५५ हजार ५५५ तोकिएको छ । घरेलु प्रतियोगिताको ठुलो प्रतियोगिताको रुपमा रहेको यस प्रतियोगिता सम्पन्न गर्नको लागि क्लवका युवाहरु लागि परेका छन् । सरकारी, गैह्र सरकारी तथा व्यक्तिगत सहयोगको अपिल गरिएको छ। सहयोग गर्ने दाताहरुलाई प्रमाणपत्र प्रदान गरिनुका साथै विषेश स्थान दिदै व्यानरमा तस्बिर देखि बिभिन्न चरणमा सम्मानको पनि स्किम अघि सारिएको छ ।
पाटन नगरपालिकाको वडा न ६ स्थित कृष्ण माविको खेलमैदानमा प्रतियोगिता हुन गइरहेको छ । खेलकुद आयोजनाका लागि पाटन नगरपालिकाले आवश्यक सहयाग गर्नुपर्ने माग गरिएको छ । पाटन नगरपालिकाको पहिचानसँग जोडिने र यस क्षेत्रको क्रिकेट विकास हुने भएकाले आवश्यक सहयोग गर्नुपर्ने पाटन क्रिकेट क्लवले आग्रह गरेको हो ।
व्याक्तिगत फाइदाका लागि नभएर समग्र खेलकुदको विकासका लागि प्रतियागिताको आयोजना हुने भएकाले पाटन नगरपालिकाले आवश्यक सहयोग गनुपर्ने पाटन क्रिकेट क्लवका उपाध्यक्ष असोक बिष्टले बताए । ‘हामीले कुनै फाइदाका लागि प्रतियोगिता गर्न गइरहेका होइनौँ, यसक्षेत्रको खेलकुदको विकासका लागि हौँ, पाटन नगरपालिकाले खेलुदको क्षेत्रमा बिनियोजन गरेको बजेटबाट सहयोग गर्नुपर्छ,’ बिष्टले भने ।
पाटन नगरपालिकासँग आवश्यक सहकार्य गर्न तयार रहेको र यसका लागि नगरपालिकाले पनि सहयोग गर्नुपर्ने पाटन क्रिकेट क्लबका सचिव हरिश केसीले बताए । ‘हामिहरु नगरपालिकासँग सहकार्य गर्न तयार छौँ, खेलकुदसँगै सबै कार्यमा सहयोग गर्छाै तर नगरपालिकाले पनि हामिलाई सहयोग गर्नुप¥यो,’ उनले भने ।
गत वर्षको आयोजनाका क्रममा पनि नगर प्रमुख, उपप्रमुख र वडा अध्यक्षहरु कार्यक्रममा उपस्थित हुदै आगामी दिनमा सहयोग गर्ने बचन दिएको भएपनि यस वर्ष उदासिनता देखाएको केसीको भनाइ छ ।
पाटन नगरपालिकाका नगर प्रमुख गौरी सिंह रावलले पाटन क्रिकेट क्लवले आयोजना गर्ने तेश्रो संस्करणको क्रिकेट प्रतियागितामा सहयोग गर्नको लागि कार्यपालिकामा छलफल गर्ने बताए । ‘पाटनमा हाकिम छैनन्, हामिले कार्यपालिका बैठक बस्न सकिरहेका छैनौँ, हाकिम सरुवा भएसँगै नयाँ कामको सुरुवात गर्नसकेका छैनौँ, सहयोग गर्नेबारे कार्यपालिकामा कुरा उठाउछु ।’ उनले भने ।

प्रकाशित मिति: शनिबार, असोज ६, २०८० १५:३९

प्रतिक्रिया दिनुहोस्