बैतडीमा गाडीको ठक्करबाट एक जनाको मृत्युु

प्रदेश समाचार

Home
प्रदेश समाचार
बैतडीमा गाडीको ठक्करबाट एक जनाको मृत्युु

बैतडीमा गाडीको ठक्करबाट एक जनाको मृत्युु

received_3032102406921375.jpeg

बैतडीमा गाडीको ठक्करबाट एकजना पैदल यात्रुको मृत्यु भएको छ । जिल्लाको पाटन नगरपालिका ८ हरिचन घर भई सशस्त्र प्रहरी बाजुरामा कार्यरत हवलदार ४० बर्षीय नरेन्द्रसिंह महराको गाडीको ठक्करबाट गएराति मृत्यु भएको हो ।

महरालाई दशरथचन्द राजमार्ग अन्तर्गत हरिचन मोडमा गाडीले राति १ बजेतिर ठक्कर दिएको र उनको घटनास्थलमै मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक दीपक गिरीले बताए ।

बाजुराबाट घर आएका महरा खोड्पेमा झरेका र खोड्पेबाट हिँडेर घर आइरहेका बेला उनलाई गाडीले ठक्कर दिएको बुझिएको छ । महरालाई ठक्कर दिने गाडीको पहिचान हुन सकेको छैन् ।

महराको शव बीच सडकमै रहेको स्थानीय प्रेमसिंह भाटले जानकारी दिए । गाडीको ठक्करबाट महराको मृत्यु भएपछि अहिले दशरथचन्द राजमार्ग अवरुद्ध भएको छ । मृतकका आफन्तहरुले दोषीको पहिचान नहुँदा सम्म गाडी चल्न नदिने चेतावनी दिएका भाटले बताए ।

अहिले तराइबाट बैतडी तथा दार्चुलाका लागि छुटेका गाडीहरु बीचबाटोमै रोकिएका छन् । घटनास्थलमा प्रहरी टोली पुगिसकेको छ । घटनाका बिषयमा थप अनुसन्धान भइरहेको प्रहरीले जनाएको छ ।

प्रकाशित मिति: बुधबार, असोज १०, २०८० ०५:५०

प्रतिक्रिया दिनुहोस्