बैतडीको पञ्चेश्वर स्वास्थ्य चौकीले गर्भवतीलाई रेफर गर्नु परे यातायात खर्च व्यहोर्ने

प्रदेश समाचार

Home
प्रदेश समाचार
बैतडीको पञ्चेश्वर स्वास्थ्य चौकीले गर्भवतीलाई रेफर गर्नु परे यातायात खर्च व्यहोर्ने

बैतडीको पञ्चेश्वर स्वास्थ्य चौकीले गर्भवतीलाई रेफर गर्नु परे यातायात खर्च व्यहोर्ने

बैतडीको पञ्चेश्वर स्वास्थ्य चौकीले गर्भवतीलाई रेफर गर्नुपरे यातायत खर्च व्यहोर्ने भएको छ । जिल्लाको पञ्चेश्वर गाउँपालिका–१ मा रहेको सो स्वास्थ्य चौकीबाट गर्भवती महिलालाई सुविधा सम्पन्न अस्पतालहरूमा प्रेषण गर्नु परेमा यातायात वापत सबै खर्च स्वास्थ्य संस्थाले नै व्यहोर्ने स्वास्थ्य चौकी इन्चार्ज सुरेश सार्कीले बताए ।

सो स्वास्थ्य संस्थामा सेवा लिन आएका गर्भवतीलाई अन्यत्र पठाउनु परेमा उक्त खर्च व्यहोर्ने बताइएको छ । मंगलबार बसेको कर्मचारीहरूको मासिक बैठकले सो निर्णय गरेको जानकारी दिदै स्वास्थ्य चौकी इन्चार्ज सार्कीले सो निर्णय असोज १५ गते स्वास्थ्य चौकी व्यवस्थापन समितिमा पेश गर्ने बताए ।

स्वास्थ्य संस्थामा एउटा गर्भवतीलाई सुत्केरी बाफत गराए बाफतको रु २५ सय स्वास्थ्य संस्थालाई प्राप्त हुने सो रकम मध्ये तीन सय रुपैयाँ सेवा प्रदायकलाई दिइने र सय रुपैँया स्वयसेविकालाई दिएपश्चात् बाँकी रहेको रकम स्वास्थ्य चौकीले खर्च गर्न पाउने भएकाले उक्त रकमबाट यातायात खर्च व्यवस्थापन गरिने उनले बताए ।

यस्तै गाउँपालिका उपाध्यक्ष विना भट्ट र वडाअध्यक्ष दिवान सार्कीले सो कार्यक्रमका लागि थप रकम आवश्यक परेमा उपलब्ध गराउने समेत प्रतिवद्धता जनाएका पनि उनले जानकारी दिए ।

प्रकाशित मिति: बुधबार, असोज १०, २०८० १८:०४

प्रतिक्रिया दिनुहोस्