प्रदेश राजधानी गोदावरी नै हो, मुख्यमन्त्रीले भन्दैमा डडेल्धुरा हुदैनःनेता खगराज भट्ट

प्रदेश समाचार

Home
प्रदेश समाचार
प्रदेश राजधानी गोदावरी नै हो, मुख्यमन्त्रीले भन्दैमा डडेल्धुरा हुदैनःनेता खगराज भट्ट

प्रदेश राजधानी गोदावरी नै हो, मुख्यमन्त्रीले भन्दैमा डडेल्धुरा हुदैनःनेता खगराज भट्ट

बैतडी,
नेकपा माओवादी केन्द्रका प्रदेश संसदीय दलका नेता खगराज भट्टले सुदूरपश्चिमको राजधानी गोदावरी नै भएको बताएका छन् । प्रेस सेन्टर नेपालले मंगलबार बैतडीमा आयोजना गरेको पत्रकार सम्मेलनमा बोल्दै नेता भट्टले गोदावरीमा राजधानि तोकिएको र आवश्यक थप निर्माण प्रक्रियामा ढिलाइ गर्न नहुने बताएका हुन् ।
केही समय पहिले सुदूरपश्चिमका मुख्यमन्त्री कमल बहादुर शाहले डडेल्धुरा आएर डडेल्धुरा प्रदेश राजधानी सार्न सकिने धारणा राखेपछि राजधानीको विषय चर्चामा आएको थियो । माओवादी केन्द्रका नेता खगराज भट्ले बैतडी आएर कुनै मुख्यमन्त्री, नेता र दलले भन्दैमा राजधानी सार्न नसकिने बताएका हुन् ।
‘कांग्रेसकै मुख्यमन्त्री, कांग्रेसकै सभापतिको गृह डडेल्धुरा र अहिले गठबन्धन भएको हुनाले माओवादी संसदीय दलका नेता खगराज भट्टको सहमतिमा डडेल्धुरा प्रदेश राजधानी हुने हो की भन्ने अर्थ लागेको छ, त्यो केही पनि होइन,’ भट्टले भने ‘विगतको प्रदेश सरकारले गोदावरी तोकेको छ, यदी सार्ने नै हो भने कुनै मुख्यमन्त्रीले, कुनै नेताले सार्ने विषय हुदैन, सार्वभौम संसदले गर्ने विषय हो,’ उनले भने । अहिलेको प्रदेशसभाले सार्न चाहेमा सार्न सकिने समेत उनले बताए ।
प्रदेश सरकारले राजधानि निर्माणमा जोड दिनुपर्ने भट्टको भनाइ छ । अन्य प्रदेशले राजधानीको विषय टुङ्ग्याइसकेको र सुदूरपश्चिमले राजधानीको विषय नटुङ्ग्याउनु राजमर्दाे विषय भएको समेत उनले बताए ।

प्रकाशित मिति: मंगलबार, असोज १६, २०८० १३:४५

प्रतिक्रिया दिनुहोस्