भूकम्प अपडेट: बैतडीको सिगासमा एक महिला घाइते, आधा दर्जन परिवार विस्थापित

प्रदेश समाचार

Home
प्रदेश समाचार
भूकम्प अपडेट: बैतडीको सिगासमा एक महिला घाइते, आधा दर्जन परिवार विस्थापित

भूकम्प अपडेट: बैतडीको सिगासमा एक महिला घाइते, आधा दर्जन परिवार विस्थापित

बझाङ केन्द्रबिन्दु भएर मंगलबार गएको भूकम्पका कारण बैतडीको सिगास गाउँपालिकामा क्षति पुगेको छ । केही परिवार विस्थापित भएका छन् । केही घर तथा विद्यालयहरुमा क्षति पुगेको छ ।
भूकम्पका कारण सुख्खा पहिरो खस्नगई सिगास २ मा खर काट्ने क्रममा भीरमाथिबाट खसेका ढुंगा लागेर कलावती धामी घाइते भएकी छन् । उनको टाउकोमा चोट लागेको छ । उनलाई डडेल्धुरा पठाउने तयारी भइरहेको छ । सिगास २ को शिक्षा क्याम्पसको भवन र शिवलिङ मावि धौलाडीको भवन चर्किएको छ ।
सिगास–१ बेसारामा बसन्ती ऐरको घर भत्किएको छ । उनको परिवार छिमेकीको घरमा बसीरहेको छ । सोही वडामा रहेको ञ्चोदय माविको विद्यालय भवन चर्किएको छ ।
वडा नं १ कै नाचन्थीलीमा राज बहादुर चन्दले सञ्चालन गरेको बाख्रा फर्ममा पनि क्षति पुगेको छ ।
वडा नं ३ मा रघुबिर सिंह साउँदको घर भत्किएको छ । उनको परिवार आफन्तको घरमा बसेका छन् । सोही वडाको हिरा सिंह धामीको घर पति भत्किएको छ । उनलाई पनि छिमेकीको घरमा बस्ने व्यवस्था मिलाइएको छ । सोही वडाको शिवशंकर आधारभूत विद्यालयको भवन चर्किएको छ ।
वडा नं ५को लामबगरका सुरेन्द्र सिंह धामीको घरमा पूर्ण रुपमा क्षति पुगेको छ । उनको परिवार आफन्तको घरमा बसीरहेको छ । सोही वडाको सारदा मावि ढुंगाडका १० कोठे भवनमा क्षति पुगेको छ । उक्त भवनका २ कोठा पूर्ण रुपमा भत्किएका छन् भने ८ वटा कोठाहरु जोखिममा रहेका छन् ।
वडा नं ६ का राजेश साउँदको घर भत्किएको छ । सोही वडाका राजेन्द्र बहादुर साउँदको घर चर्किएको छ । वडा नं ६ कै खेतीका चक्र बहादुर साउँदको घर भत्किएको छ । उनको परिवार आफन्तको बसीरहेको छ ।
वडा नं ८ मा लेकलुपुण माविको भवन चर्किएको छ ।
वडा नं ९ को उदय माविको एक कोठा भत्किएको छ भने ३ कोठ चर्किएका छन् ।
सबै वडाबाट विवरणहरु संकलन गरिन लागिएको सिगास गाउँपाललकाका विपद व्यवस्थापन सहायक हरि सिंह साउँदले जानकारी दिए । सबै ठाउँबाट विवरण संकलन गरिएपछि माथिल्लो नियकामा आवश्यक सहयोगको लागि सिफारिस गरिने उनले बताए ।
तत्कालका लागि विस्थापित परिवारलाई आवश्यक सहयोगका लागि गाउँपालिकामा छलफल गरिन लागिएको उनले बताए ।