बैतडी।
बैतडीको पुर्चौडी नगरपालिकाका नगर प्रमुख दीपक बहादुर बम “शान्तीका लागि मेयर” अभियानका सदस्य बनेका छन् । जापानको हिरोसिमा नगरका मेयर मात्सुई कान्जुमीले सञ्चालन गरेको उक्त अभियानमा विश्वभरबाट ८हजार बढी मेयरहरु सदस्य रहेकाछन् ।
कान्जुमी संयोजक रहेको उक्त अभियान अन्तरगत हत्याहिंसा रहित विश्वन्धुत्व कायम गर्ने कार्यक्रमहरु सञ्चालन गरिन्छन् ।
उक्त अभियान आणवीक हतियारका विपक्षमा रहेको छ भने, स्थानियतहमा समेत शान्तीमैत्री नितिहरु लागुगर्न अग्रसर रहन्छ ।
नेपाल शान्तीमैत्री नितिको पक्ष राष्ट्र भएकाले नेपालका स्थानियतह प्रमुखले उक्त अभियानको सदस्य बन्न पाउछन् ।
उक्त अभियानको सदस्य बनेपछि निति निर्माणमा सहयोग आदान प्रदानका साथै बालबालिका तथा युवा रुपान्तरणका कार्यक्रममा सहयोग आदान प्रदान गरिन्छ । जापान–नेपाल कला प्रतियोगीता, अधिकारको पैरवी, गरिवी तथा भोकमरी नियन्त्रण, वातावरणीय प्रदुर्षण नियन्त्रण, सरणार्थी समस्या हल गर्ने नितिहरु निर्माण गरि लागु गरिन्छ ।
यस अभियानको सदस्य रहेका मेयरहरुका बीचमा आपसी सहयोग आदान प्रदान गरिदैँ आएको छ । अभियानका सदस्य मेयरहरुको हरेक ४बर्षमा साधारण महासभा आयोजना गरिन्छ भने, हत्याहिंसा रहित विश्व बनाउनमा सामुहिक कार्यक्रमहरु तय गरिन्छन् ।
यस अभियानले शिक्षाको गुणस्तर वृद्धिमा पनि जोड दिएको छ । यसका साथै मानवीय व्यवहारहरु परिवर्तन, हानिकारक प्रचलनहरुको अन्त्य, जातिय भेदभाव हटाइ असल मानवीय गुणयुक्त परिवार तथा समाज बनाउने लक्ष्य रहेको छ ।
यस अभियानमा सदस्य बनेका मेयर बमले अन्य देशका मेयरहरुसंग आपसी सम्बन्ध विस्तार हुने भएकाले निति निर्माण गरि लागुगर्न दक्षता प्राप्त हुने विश्वास व्यक्त गरे ।
