पाटन–६ स्थित उदयदेव मन्दिरमा कार्तिक ५ र ६ गते मेला, बजार मूल्य निर्धारण

प्रदेश समाचार

Home
प्रदेश समाचार
पाटन–६ स्थित उदयदेव मन्दिरमा कार्तिक ५ र ६ गते मेला, बजार मूल्य निर्धारण

पाटन–६ स्थित उदयदेव मन्दिरमा कार्तिक ५ र ६ गते मेला, बजार मूल्य निर्धारण

बैतडी,
बैतडीको पाटन नगरपालिका–६ स्थित उदयदेव मन्दिरमा कार्तिक ५ र ६ गते मेला हुने भएको छ । कार्तिक ५ गते अस्टमीको दिन राँगा बाधिने र ६ गते नवमीको दिन काटिने छन् । मेलालाई भव्य र सभ्यरुपमा सम्पन्न गर्नको लागि पाटन नगरपालिकाले बजार मूल्य तोकेको छ भने जिल्ला प्रशासन कार्यालय समक्ष उचित सुरक्षा व्यवस्थाका लागि आग्रह गरिएको छ ।
मंगलबार बसेको सर्वपक्षीय बैठकबाट मुल्यसुचि तोकिनुका साथै मदिरा निषेध लगायतका निर्णय गरेको पाटन नगरपालिकाका उपप्रमुख कमल सिह बोहराले जानकारी दिए । सुरक्षा व्यवस्थाका लागि पनि प्रशासनसँग आग्रह गरिएको उनले जानकारी गराएका छन् । मेला अवधिभर बजार क्षेत्रमा समेत मदिरा निषेध गरिएको छ ।
यसैगरी खाद्य पदार्थ तथा खाद्यान्नका परिकारको मूल्य पनि निर्धारण गरिएको छ । नगरपालिकाले तोकेको दरभाउ अनुसार सादा खानाको १२० रुपैंया मात्रै लिन पाइने छ भने खसीको मासु प्रति प्लेट ३ सयमा विक्रि गर्नुपर्ने छ । यस्तै कुखुराको मासु प्रति प्लेट २५०,पुरी तरकारी २ सयमा विक्रि गर्न पाइने छ । यस्तै समोसा प्रतिपिस २० रुपैंया, चाउमिन हाफ प्लेटको ५० रुपैैया, छोला समोसा हाफ प्लेटको ५० रुपैंया, पकौडा हाफ प्लेटको ३० रुपैया तोकिएको छ ।
यस्तै भेज मम फुल प्लेटको १२० रुपैंया, चिकेन मम फुल प्लेटको १६० रुपैंया, मटन मम फुल प्लेटको २ सय रुपैया, जेरी प्रतिकेजी २५० रुपैंया, मिठाइ प्रतिकेजी २५० रुपैंया, कमन कोठा प्रतिबेड २सय, सादा कोठाको ५ सय र अटेच कोठाको एक हजार रुपैंया दरभाउ तोकिएको छ ।

प्रकाशित मिति: मंगलबार, असोज २३, २०८० २०:२५

प्रतिक्रिया दिनुहोस्