बैतडीः मिनिट्रकमा सवार बालिकालाई करणी गरेको आरोपमा चालकसहित ट्रक नियन्त्रणमा

प्रदेश समाचार

Home
प्रदेश समाचार
बैतडीः मिनिट्रकमा सवार बालिकालाई करणी गरेको आरोपमा चालकसहित ट्रक नियन्त्रणमा

बैतडीः मिनिट्रकमा सवार बालिकालाई करणी गरेको आरोपमा चालकसहित ट्रक नियन्त्रणमा

balatkar.jpeg

मिनिट्रकमा सवार बालिकामाथि जबरजस्तीकरणी गरेको आरोपमा बैतडीबाट मिनिट्रकसहित चालक पक्राउ परेका छन् ।
महेन्द्रनगरबाट मेलौलीतर्फ सिमेन्ट बोकेर आउदै गरेको से १ ख १९७९नम्बरको किनिट्रक र सोही ट्रकका चालक मेलौली नगरपालिका ७ का महेस ओझालाई नियन्त्रणमा लिएको जिल्ला प्रहरी कार्यालय बैतडीका सूचना अधिकारी, प्रहरी निरिक्षक योगेश खत्रीले जानकारी दिए ।
सोही मिनिट्रकमा सवार रहेकी बालिकालाई जबरजस्तीकरण गरेको आरोप लागेको र ट्रक सहित चालक ओझालाई पाटन नगरपालिका ६ को हिरापुरबाट पक्राउ गरिएको प्रहरीले जनाएको छ ।
करणीमा परेकी ती किशोरी अत्तरियबाट बैतडी आउन भन्दै मिनिट्रकमा बसेकी थिइन् । बिहिबार राती बुडरमा बस्ने क्रममा मिनि ट्रकमा आफुमाथि चालक ओझाले जबरजस्तीकरणी गरेको भन्दै ती बालिकाले प्रहरीलाई जानकारी गराएपछि नियन्त्रणमा लिइएको बुझिएको छ ।
घटनाबारे अनुसन्धान भइरहेको प्रहरीले जनाएको छ।

प्रकाशित मिति: शुक्रबार, असोज २६, २०८० १५:२९

प्रतिक्रिया दिनुहोस्