बैतडी,
कालोपत्रे हुने क्रममा रहेको बैतडीको पुर्चौडीहाटसंग जोड्ने श्रीभावर–हाट सडकखण्डमा जोखिम मोलेर यात्रा गर्नुपर्ने बाध्यता रहेको छ ।
यहाँ अचेल दैनिक फसेका गाडीहरु तान्नका लागि डोजरको जरुरत पर्ने गरेको छ । साघुँरो र जोखीमपुर्ण सडकमा गाडी चलाउदाँ समस्या हुने गरेको बस व्यवसायी राजेन्द्र बोहराले बताए ।‘पुर्चौडीहाट सडकमा एकपटक गाडी चलाएपछि तुरुन्तै सर्बिसिङ गर्नुपर्ने हुन्छ । जोखीम मोलेर गाडी चलाएका छौँ । एकदिन मात्रै होइन् हरेक पटकको ट्रिपमा गाडी फस्छ, गाडीमा यान्त्रीक समस्याहरु देखिन्छन्, डोजर मगाएर गाडी निकाल्नुपर्छ, यहाँ गाडि चलाउने यातायात व्यवसायीलाई एकदमै घाटा छ । हिजो अर्को गाडी फस्यो, आज मेरो गाडी फस्यो, हरेक गाडीहरु कुनै न कुनै ठाउँमा फसेकै हुन्छन् ।’उनले भने ।
बिहान फेसको गाडी रातीसम्म निकाल्न नसक्दा राती हिडेर गन्तव्यमा पुग्नु परेको यात्रुहरु बताउछन् । ‘जतिपटक यो बाटोमा यात्रा गरेको छु हरेक पटक गाडी फस्दा समस्या झेल्नु परेको छ ।’ एक यत्रुले गुनासो पोखे ।
पुर्चौडीहाट सडकखण्ड अहिलेसम्म कालोपत्रे भैसक्नुपर्नेमा भएको छैन् । यस सडक संगै २०७५सालमा सुरुवात भएका अन्य सडकहरु भने कालोपत्रे भएकाछन् । जिल्लाको सतबाँज–श्रीभावर सडकखण्ड आधा कालोपत्रे भैसक्दा यात्रा सहज भएको छभने, देहिमाण्डौँ–गिरेगाडा सडकखण्डको काम समेत तिब्र गतिमा भैरहेको छ । तर श्रीभावर–हाट सडकको ठेक्का पाएको ग्वाल्लेक निर्माण सेवाले पेटी ठेकेदार मार्फत गराएको काममा ढिलासुस्ती गरेको देखिन्छ । ठेक्का पाएको सुरुमा केहि महिना राम्रै काम गरेका उनले लामो समय काम रोकेका थिए । विगत बर्षमै कालोपत्रे हुनुपर्ने सडक कालोपत्रे गर्न डबल कटिङको काम अहिले भैरहेको छ । तर कालोपत्रेको काम द्रुत गतिमा भैरहेको छैन् ।
जोखिमपूर्ण सडकमा डरैडरले यात्रा गर्नु परेको दशैँका लागि घर फर्किने यात्रुहरुलाई समस्या भएको छ । राजधानी काठ्माण्डौँ तथा भारतबाट फर्किनेहरुको लर्को लागेका बेला घर पुग्दाको बाटो जोखिमपूर्ण हुदाँ समस्या भएको काठ्माण्डौँबाट फर्किएका मल्लादेहीकी गायत्री बमले बताइन् । ‘पढाईका लागि धेरै युवाहरु तराईका जिल्ला र काठ्माण्डौँमा छन्, कोहि रोजगारीका लागि भारत र अन्य देशमा छन्, अधिकांश व्यक्तिहरु चाडपर्वका लागि घर आउछन् तर २–३ दिनको डागीको यात्रा गर्दा डर लाग्दैन् घर पुग्न पुग्न लाग्दा डराएर यात्रा गर्नुपर्छ । छिटै सडक कालोपत्रे भैदिए सहज हुनेथियो ।’ उनले भनिन् ।
श्रीभावर–पुर्चौडीहाट सडक कालोपत्रेको काम द्रुत गतिमा गर्न पुर्चौडी नगरपालिकाले पहल गर्दै आएको छ । ठेकेदारले निरन्तर काम गरेमा केहि महिनामै कालोपत्रे हुने अपेक्षा रहेको नगर प्रमुख दीपक बहादुर बमले बताए । ‘पहिला बजेट हाल्न कसरत गर्नुपर्ने, जब बजेट आउँछ जनतामा त खुसि हुने नै भयो, ठेकेदारले लापरवाही गरिदिदाँ समस्या हुन्छ , हामीले यो सडकका बेलाबेला पहल गर्ने गरेका छौँ । हेरौँ कहिले सम्म काम सम्पन्न हुन्छ, हामी यसको पर्खाइमा छौँ । हामीलाई पनि दैनिक यात्रा गर्नुपर्दा समस्या हुने गरेको छ ।’उनले भने ।
३ बर्ष अघि सडकपेटी निर्माण गरि अलपत्र छाडिएकाले एकापट्टीको सडक पेटी समेत भत्किन थालेको छ ।
