सिगास माविमा क्याम्पस स्थापनाका लागि आर्थिक सहयोग जुट्दै

प्रदेश समाचार

Home
प्रदेश समाचार
सिगास माविमा क्याम्पस स्थापनाका लागि आर्थिक सहयोग जुट्दै

सिगास माविमा क्याम्पस स्थापनाका लागि आर्थिक सहयोग जुट्दै

बैतडीको पाटन नगरपालिका–३ स्थित सिगास माविमा क्याम्पस स्थापनाका लागि पहल तिब्र पारिएको छ । सेवा क्षेत्रका अभिभावक, विद्यालय, सामुदायिक वन तथा साजेदारी निकायबाट आर्थिक सहयोग पनि संकलन भइरहेको छ ।
क्याम्पसको सम्बन्धन प्राप्तीका लागि आर्थिक संकलन पनि बलियो पाटो भएकाले त्यसको लागि सेवा क्षेत्रभित्रका विद्यालय परिवार, शिक्षक, अभिभावक, सामुदायिक वन लगायतका क्षेत्रबाट आर्थिक सहयोग जुट्ने क्रम जारी रहेको सिगास माविका विद्यालय व्यवस्थापन समिति अध्यक्ष प्रेम सिंह भाटले जानकारी दिए । मंगलबार मात्रै पाटन–९ स्थित सल्लेबासा सामुदायिक वन उपभोक्ता समितिको तर्फबाट ८ लाख ८८ हजार ८८८ रुपैया सहयोग रकम प्राप्त भएको विव्यस अध्यक्ष भाटले जानकारी दिए । हालसम्म ६१ लाखभन्दा बढी रकम संकलन भएको बताइएको छ ।
यस क्षेत्रमा शिक्षा क्षेत्रको विकासका लागि सहयोग रकम प्राप्त भइरहेको उनले बताए ।
सुदूरपश्चिम विश्वविद्यालयबाट सम्बन्धन प्राप्तीका लागि विद्यालयको तर्फबाट अधिकांश प्रक्रिया पुरा भएका छन् । दसैँ लगत्तै विश्वविद्यालयको अनुगमन टोलीले अनुगमन गरिसकेपनि सम्बन्धन प्राप्तिका थप प्रक्रिया अघि बढ्ने जनाइएको छ ।
सिगास माविमा क्याम्पस स्थापना गर्नसके यस क्षेत्रका विद्यार्थीहरुको लागि उच्च शिक्षा हासिलका लागि सहज हुने विश्वास गरिएको छ ।

विद्यालय सेवाक्षेत्र बाहिर रहेका अभिभावक तथा शिक्षा प्रेमीहरुलाई असोज ३ गते विद्यालय प्राङ्गणमा छलफलमा बोलाइएको छ।

प्रकाशित मिति: बुधबार, कात्तिक १, २०८० ०८:०७

प्रतिक्रिया दिनुहोस्