फारवेष्ट ट्यालेन्ट हन्टको लागी धनगढी र डडेल्धुरामा अडिसन सम्पन्न , ४ गते बझाङमा हुदै

प्रदेश समाचार

Home
प्रदेश समाचार
फारवेष्ट ट्यालेन्ट हन्टको लागी धनगढी र डडेल्धुरामा अडिसन सम्पन्न , ४ गते बझाङमा हुदै

फारवेष्ट ट्यालेन्ट हन्टको लागी धनगढी र डडेल्धुरामा अडिसन सम्पन्न , ४ गते बझाङमा हुदै

387483081_988914919045910_2813520618219002823_n.jpg

फारवेष्ट ट्यालेन्ट हन्टका लागी धनगढी र डडेल्धुरामा अडिसन सम्पन्न भएको छ । फारवेष्ट ट्यालेनट हन्ट टिमले सञ्चालन गरेको अडिसन हिजो डडेल्धुरामा सम्पन्न भएको छ । सुदूरपश्चिमका विभिन्न जिल्लाहरुमा लुकेर रहेका र ठाँउ नपाएका विभिन्न प्रतिभाहरु लाई बाहिर ल्याएर देश भर चिनाउनका लागि सुदूरपश्चिममा सो कार्यक्रम को आयोजना गरेको फारवेष्ट ट्यालेन्ट हन्टकालागी २७ गते पहिलो दिन धनगढीमा र हिजो दोस्रो दिन डडेल्धुरामा अडिसन सम्पन्न भएको संयोजक प्रीन्स क्षेत्रीले जानकारी दिनुभएको हो ।
सुदूरपश्चिमकै ८ जना युवाहरुको टिमले आयोजना गर्न लागेको ‘फारवेष्ट ट्यालेन्ट हन्ट’ मा कार्तिक ४ गते बझाङमा अडिसनको आयोजना गरी सहभागि छनोट गरिने संयोजक क्षेत्रीले जानकारी दिनुभयो । अडिसनबाट छनोट गरिएकालाई सहभागि गराई टास्क सो आयोजना गरिने संयोजक क्षेत्रीले बताए ।
अडिसनबाट फरक किसिमको ट्यालेन्ट भएकालाई छनोट गरिने उनले बताए । ‘सुदूरपश्चिम अन्य प्रदेशको तुलनामा पछाडि भएकाले यसलाई केही कुरामा भएपनि अगाडि ल्याउन प्रतियोगिता आयोजना गरिएको हो । यस क्षेत्रमा धेरै ट्यालेन्ट छुपेका छन । त्यसलाई बाहिर निकाल्न प्रतियोगिताले मदत गर्ने छ’ उनले भने ‘यसमा सबै किसिमका ट्यालेन्ट हेरिने छ । यसमा फिजिकल, मोटलिङ, ब्युटी ब्रेनको कम्बिनेसन हेरिने छ ।’ पोखरा र धनगढीमा हुन टास्क सो का लागि प्रत्येक जिल्लाबाट बढीमा ५ जना छनोट गरिने जनाइएको छ । अडिसनमा १६ देखि २३ वर्ष उमेर समूहकोले मात्रै सहभागि हुन पाउने छन ।
यसमा छनोट भएकाहरूलाई एक जना टिम लिडरले गाइड गरेर तालिम दिने छ । अडिसन लेबलबाट छनोट भएकालाई १० दिन पोखरामा र १० दिन धनगढीमा बिभिन्न टास्क दिएर सहभागीबाट विजेता छनोट गरिने संयोजक क्षेत्रीले बताए । २० दिन चल्ने यस इभेन्टमा १० दिन तालिम दिइने र १० दिन १२ वटा टास्क दिएर उत्कृष्ट सहभागि छनोट गरिने बताइएको छ । २० दिन चल्ने सो कार्यक्रममा जिल्ला बाट छनोट भइसके पछी फाइनल राउन्ड सो धनगढीमा हुने फारवेष्ट ट्यालेनट हन्ट टिमले जानकारी दिए ।
सुदूरपश्चिममा पहिलो पटक आयोजना गर्न लागिएको दावी गरिएको प्रतियोगितामा १२ लाख खर्च हुने अनुमान गरिएको संयोजक क्षेत्रीले बताए । इभेन्टका लागि जजको छनोट गर्न भने बाँकी रहेको जनाइएको छ । ‘फारवेष्ट ट्यालेन्ट हन्ट’ मा उत्कृष्ट हुनेलाई १ लाख पुरस्कार दिइने संयोजक क्षेत्रीले बताए । ‘ट्यालेन्ट भएर पनि पछाडि परेका युवालाई अगाडि ल्याउन प्रतियोगिता आयोजना गरिएको हो । यसमा उत्कृष्टलाई १ लाख पुरस्कार दिइने छ’ उनले भने ‘उत्कृष्टलाई देश विदेशमा पनि विभिन्न अवसर दिइने छ ।’

प्रकाशित मिति: बिहीबार, कात्तिक २, २०८० ०८:५५

प्रतिक्रिया दिनुहोस्