बैतडीःउदयदेव मन्दिरमा बलीमा लागि ल्याइने राङ्गा र बोकाको कर तोकियो

प्रदेश समाचार

Home
प्रदेश समाचार
बैतडीःउदयदेव मन्दिरमा बलीमा लागि ल्याइने राङ्गा र बोकाको कर तोकियो

बैतडीःउदयदेव मन्दिरमा बलीमा लागि ल्याइने राङ्गा र बोकाको कर तोकियो

बैतडीको पाटन नगरपालिका–६ स्थित उदयदेव मन्दिरमा अष्टमी तथा नवमीमा लाग्ने बलीसहितको जात्रामा राङ्गा तथा बोकाको बली दिनेहरुका लागि शुल्क तोकिएको छ । सिद्धनाथ उदयदेव धार्मिक पर्यटन क्षेत्र विकास समितिले राङ्गा तथा बोकाको बली दिने धर्मावलम्बीहरुका लागि करको रुपमा शुल्क तोकेको हो भने व्यापारिक स्टलहरुबाट समेत शुल्क लिने निर्णय गरेको हो ।
उदयदेवको मेलामा अटक सम्बन्धमा तथा पसल सञ्चालन गर्न चाहानेहरुका लागि मेलाकर लाग्ने निर्णय गरिएको सिद्धनाथ उदयदेव धार्मिक पर्यटन क्षेत्र विकास समितिका कार्यवहाक अध्यक्ष चमन कुमार भण्डारीले जानकारी दिए ।
अटक सम्बन्धमा खामको राङ्गोका हकमा २ हजार, अन्य राङ्गाको हकमा २ हजार र बोकाको लागि ७ सय मेलाकर शुल्क तोकिएको छ ।
मेलाको सम्बन्धमा ठूलो टेण्टको हकमा ३ हजार, सनो टेण्टको हकमा १५ सय, मेलामा कपडा पसलका लागि १ हजार, नास्ता पसलका लागि २ सय र अन्य साना खुद्रा र फलफूल पसलका लागि २ सय कर कायम गरिएको छ ।
यसैगरी बजार क्षेत्रबाट पनि कर संकलन गरिने बताइएको छ । खाना बस्ने व्यवस्था भएका हेटलबाट १ हजार, मदिरा पसलबाट १५ सय, कपडा पसलबाट ५ सय, नास्ता पसलबाट ३ सय, फलफूल तथा खुद्रा पसलबाट २ सय र फुटपातबाट १ सयका दरले कर संकलन गरिने धार्मिक पर्यटन क्षेत्र विकास समितिले जनाएको छ ।
यसैगरी उदयदेव मेलामा देउडा प्रतियोगिताको आयोजना गरिएको पनि धार्मिक पर्यटन विकास समितिका कार्यवहाक अध्यक्ष भण्डारीले बताए । देउडिया कलाकारहरुलाई समान्य धनराशीसँगै सम्मान गरिने उनले बताए ।

प्रकाशित मिति: शुक्रबार, कात्तिक ३, २०८० १४:५७

प्रतिक्रिया दिनुहोस्