बैतडी ।
डिलाशैनी गाउँपालिका बैतडीका निर्वतमान अध्यक्ष उकेन्द्र बहादुर बोहराको ४५बर्षको अल्पायुमै निधन भएको छ । उनको बिहिबार बिहान क्षयरोग(टिवी)का कारण मृत्यु भएको हो ।
नेकपा(एमाले)बैतडी जिल्ला कमिटी सचिवालय सदस्य रहेका बोहरा पार्टीको प्रदेश अधिवेशनमा धनगढी जान सकेका थिएनन् । अधिवेशन प्रतिनिधी भएपनि २०असोजमा धनगढी जाने तयारी गर्ने बेलामै थला परेका थिए । उनले रगत छाँदेपछि स्थानिय स्वास्थ्य संस्थाको औषधी सेवन गरेर घरमै आराम गरे ।
२७ असोजमा सोही समस्या देखिएपछि गोकुलेश्वर स्थीत प्राथमिक स्वास्थ्य केन्द्रमा पुगेका उनि २दिनपछी ९हजार रुपयाँ ऋण निकालेर बसको यात्रा गर्दै उपचारका लागि डडेल्धुरा हिडेँ ।
उनि दोगडाकेदार गाउँपालिका–३ सिल्लेगाडा पुग्दा अस्वाभाविक रुपले रगत छाद्न थालेपछि स्थानिय मेडिकलमा गए । सिल्लेगाडा बाट भने उनि स्वास्थ्यकर्मीको सुझाव अनुसार एम्बुलेन्समा डडेल्धुरा गए ।
डडेल्धुरा अस्पतालमा १दिन राखेपछी खकार चेक गराउदाँ क्षयरोग पोजेटिभ देखायो । ३०गते राती ११ बजे उनलाई धनगढी स्थीत सेती प्रादेशीक अस्पतालका लागि रेफर गरियो । धनगढी पुग्ने वित्तिकै आइसियुमा उपचार सुरु गरिएकोमा ७ कार्तिक(दशैँको दिन) भने भेल्टीलेटरमा राखिएको थियो ।
२ दिन भेन्टीलेटरमा राखेपनि स्वास्थ्यमा कुनै प्रकारको सुधार आएन् । अन्ततः बिहिबार बिहानै प्राण त्यागे ।
कुनै प्राइभेट अस्पतालमा महंगो शुल्कमा उपचार गराए ठिक हुन्थ्यो की ?
क्षयरोगको उपचार नेपालका सरकारी अस्पतालहरुमा निःशुल्क रुपमा गरिन्छ । क्षयरोगीलाई बढी खतरा देखिए डाक्टरको प्रत्यक्ष निगरानीमा उपचार गरि निको पार्ने व्यवस्था छ । त्यसकारण उकेन्द्रलाई पनि डडेल्धुरा अस्पतालले प्राइभेट अस्पतालको नामै नलिई सिधैँ सेति प्रादेशीक अस्पताल पठाएको थियो ।
उनका भाई भोज भन्छन्, “३ बर्षयता क्षयरोग भई फोक्सोमा खराबी आएको कुरा स्वंयलाई थाहा थियो । यसपटक पनि सुरुसुरुमा स्थानिय स्वास्थ्य संस्था र मेडिकलहरुमा जानुभयो, अन्तमीममा ९ हजार ऋण लिएर धनगढी आएका हौँ, यता आएपछि १५हजार थप ऋण माग्यौँ, अढाई लाखमा जमिन बेच्ने कुरा थियो, जमिन पनि बेचिएन् । पैषाको अभाव त थियो नै, तर डाक्टरहरुले कुनै महंगो अस्पतालमा लग्न सुझाव दिएको भए बाँच्ने सम्भावना थियो की ? भन्ने आश मात्रै हो ।” सेती प्रादेशीक अस्पतालका डाक्टर भन्छन् अन्तीम अवस्थामा पुगेका बिरामीलाई बचाउन गाह्रो हुन्छ ।
को थिए उकेन्द्र ?
उकेन्द्र बोहरा “कमरेड–विवेक” नामले परिचित व्यक्ति हुन् । विद्यार्थी जिवनबाट राजनितिमा सक्रिय उनि २०५९ सालमा तत्कालिन नेकपा माओवादीमा आवद्ध हुदैँ भुमिगत भए । उनको भुमिगत नाम नै “विवेक” हो । उनि माओवादीमा छदाँ पुर्व प्रदेशसभा सांसद प्रेम प्रकाश भट्ट“आदित्य”का पृय पात्रका रुपमा चिनिन्थे । नेता भट्टका अनुसार उकेन्द्र वि.स.२०५९–०६०तिर माओवादीमा आवद्ध भएका थिए । उनि तत्कालिन समयमा माओवादीले तय गरेको एरिया न.३ का सचीव थिए । उतिबेला जिल्ला सदरमुकाम र आसपास क्षेत्रलाई माओवादीले एरिया न.३ घोषित गरेको थियो । माओवादीको जिल्ला कमिटि सचिवालय सदस्यसम्म पुगेका उनि २०६६–०६७ तिर एमालेमा आवद्ध भई राजनितिक यात्रालाई थप शसक्त बनाएका थिए ।
उकेन्द्र एमालेमा आवद्ध भएदेखी पार्टी जिल्ला अध्यक्ष सुरेन्द्र पाल निकट नेताका रुपमा थिए । नेता पाललाई आफ्नो अभिभावक मान्ने उनले २०७४सालको स्थानीय निर्वाचनमा बहुमत कार्यपालिका सदस्य सहित गाउँपालिका अध्यक्षमा चुनाव जितेका थिए । अध्ययनमा स्नातकतह उतिर्ण गरेका उनको स्वभाव निकै सरल थियो ।
साधारण जिवनशैली
कतिपय स्थानिय सरकारको प्रमुख पदमा पुगेका व्यक्तिहरुको लवाईखवाई परिवर्तन भएको देखिन्छ । तर उकेन्द्रले आफ्नो कम खर्चमै सम्भव हुने उपचार खर्चको समेत जोहो गरेनन् । आर्थिक अनियमितता पटक्कै गर्दैन भन्ने स्वभावका उनको आर्थिक अवस्था अन्तीमसम्म पनि साधारण देखियो । कहिल्यैपनि महंगो पहिरनमा नदेखिएका उनको सादगी जिवनको प्रशंसा हुने गर्दछ ।
उनले पालिका प्रमुख हुदाँ राजधानी धाइरहने, ठुला नेतासंगको फोटो पोष्ट गर्ने, आफुलाई ठुला मान्छेको दर्जामा राख्न हौसिने काम कहिल्लै गरेनन् । सधैँभरी गाउँपालिकामै भेटिने उनले कर्मचारीको अभाव हुन नदिई काम गरे ।
बोहरा पालिकाको प्रमुख हुदाँ आफ्नो मासिक सेवा सुविधाबाट बनाउन सुरु गरेको आफ्नो सानो घर अझै निर्माण सम्पन्न भएको छैन् । आफन्तका अनुसार खेतबारीबाट उब्जाएको अन्न घरमा खानको लागि पुग्छ तर अन्य आयश्रोत केहिछैन्, घरमा श्रीमती र २छोरा, २छोरी छन्, तर सबैजना बेरोजगार छन्, जेठा छोराछोरीको बिहे भैसकेको छ, कान्छो छोरा र छोरी पढाई गर्दछन् ।
पढाईसंगै सामाजिक अभियन्ता(सामाजिक परिचालक)को रुपमा समेत काम गरेर राजनितिमा सक्रिय भई पालिका प्रमुख जस्तो पदमा पुगि अन्तीममा उपचार अभावमा ज्यान गुमाउने व्यक्ति हुन् उकेन्द्र । उनको अकल्पनीय निधनले डिलाशैनी गाउँपालिका र उनको पार्टी नेकपा(एमाले) मात्रै नभई समग्र बैतडी जिल्लाबासी स्तव्ध छन् । कलिलो उमेरमा ब्रह्मालिन भएका उकेन्द्रको उत्तमलोकमा बास होस् । हार्दिक श्रद्धान्जली ।
