सापकोटाले प्रदान गरे बैतडीको पाटन–९का भाटलाई अपाङ्गमैत्री स्कुटर

प्रदेश समाचार

Home
प्रदेश समाचार
सापकोटाले प्रदान गरे बैतडीको पाटन–९का भाटलाई अपाङ्गमैत्री स्कुटर

सापकोटाले प्रदान गरे बैतडीको पाटन–९का भाटलाई अपाङ्गमैत्री स्कुटर

बैतडीको पाटन नगरपालिका–९ का मदन सिंह भाटलाई अपाङ्गमैत्री स्कुटर प्रदान गरिएको छ । संगम सामाजिक सेवा काठमाण्डौका संरक्षक अमेरिका निवासी बसन्त सापकोटाको आर्थिक सहयोगमा संगम सामाजिक सेवा काठमाण्डौका अध्यक्ष सहदेव प्रशाद सापकोटाले अपाङ्गता भएका भाटको घरमै पुगेर स्कुटर प्रदान गरिएको हो ।
विभिन्न समाजिक क्षेत्रमा सहयोग गर्दै आएका सापकोटाले शनिबार भाटलाई स्कुटर प्रदान गरेका हुन् । अपाङ्गता भएका भाटलाई आवतजावतमा सहज होस र थप अतिरिक्त काम गर्न सहज होस भनेर सहयोग प्रदान गरिएको हो ।
अपाङ्गता भएका भाट वडा नं ९ को कार्यालयमा काम गर्दै आएका छन् । सोही वडामा कार्यरत सामुदायिक मनोसमाजिक कार्यकर्ता लक्ष्मी बिष्टले अपाङ्गता भएका भाटका लागि स्कुटर प्रदान गर्न पहल गरेकी थिइन् । भाटले आफुलाई हिडडुलमा सहजताका लागि स्कुटर प्रदान गर्नहुने सापकोटा र सहयोगी सबैमा धन्यवाद ज्ञापन गरेका छन् ।
संगम सामाजिक सेवा काठमाण्डौका अध्यक्ष सापकोटाले देशका बिभिन्न ठाउँमा फरक क्षमता भएका व्यक्ति, अति विपन्न, टुहुरा बालबालिका, विभिद कारणले शिक्षा पाउनबाट बञ्चित भएका बालकालिकाहरुलाई समेत आर्थिक तथा भौतिक सहयोग गर्दै आएका छन् ।

प्रकाशित मिति: शनिबार, कात्तिक ११, २०८० १७:३३

प्रतिक्रिया दिनुहोस्