पिपिएल–३ मा आज ३ खेल सम्पन्न,कैलपालको दोश्रो जित

प्रदेश समाचार

Home
प्रदेश समाचार
पिपिएल–३ मा आज ३ खेल सम्पन्न,कैलपालको दोश्रो जित

पिपिएल–३ मा आज ३ खेल सम्पन्न,कैलपालको दोश्रो जित

बैतडी,
बैतडीको पाटनमा जारी तेश्रो संस्करणको पिपिएल क्रिकेट प्रतियोगितामा आज ३ खेल सम्पन्न भएका छन् । आज भएको पहिलो खेलमा टिम क्वालीटी कैलपालले दशरथचन्द स्मृति प्रष्ठिानलाई हराएको छ । टस जितेर पहिला ब्याटिङ गरेको कैलपालले निर्धारित १५ ओभरको समाप्तीमा ५ विकेट गुमाएर १८२ रन बनाएको थियो । कैलपालका प्रदिप चन्दले ६९ रन बनाए भने दिनेश बिष्टले ३६ रन बनाए । १८३ रनको लक्षसहित मैदान उत्रेको प्रतिष्ठानले १५ ओभरमा ७ विकेट गुमाएर १४४ रन मात्रै बनाउन सक्यो । डम्मर तिरुवाले ६३ रनको अर्धसतकीय पारी खेलेपनि जितका लागि प्रयाप्त भएन । महन्द्र मार्कन्डले ३४ रन बनाएका थिए । कैलपालका आकास चन्द, दिपक चन्द र लोकेन्द्र चन्दले समान दुईदुई विकेट लिए । कैलपालका प्रदिप म्यान आफ द म्याच चुनिए । कैलपालको लगातार दोश्रो जित हो ।
आजै भएको दोश्रो खेलमा सहस्त्रलिङ्ग क्रिकेट क्लबलाई भुमेश्वर क्रिकेट क्लबले हराएको छ । टस जितेर ब्याटिङ थालेको सहस्त्रलीङ्गले १४.३ओभरमा ८७ रन बनाएर अलआउट भयो । सहस्त्रलिङ्गका निरज महराले २९ रन बनाए ।
८८ रनको विजय लक्षका साथ मैदान उत्रेको भुमेश्वरले ६.२ ओभरमा नै लक्ष भेट्टायो । भुमेश्वरका केशव टेरले ४५ रन बनाए । उनि म्यान अफ द म्याच चुनिए ।
यसैगरी आजै भएको अन्तिम खेलमा मेलौलीले ग्वाल्लेक क्रिकेट क्लबलाई हराएको छ। टस जितेर ब्याटिङ गरेको ग्वाल्लेकले निर्धारित १५ ओभरमा ८ विकेट गुमाएर १११ रन बनायो । ११२ रनको विजयी लक्षका साथ मैदान उत्रेको मेलौलीले ११ ओभरमा ४ विकेट गुमाएर लक्ष्य भेट्टायो । टिमका लागि २४ रन हिर्काएर एक विकेट समेत लिएका सुनिल क्षेत्री म्यान अफ द म्याच चुनिए ।

प्रकाशित मिति: सोमबार, कात्तिक १३, २०८० १७:५५

प्रतिक्रिया दिनुहोस्