पिपिएल–३मा भुमेश्वर युवा क्लबको लगातार दोश्रो जित

प्रदेश समाचार

Home
प्रदेश समाचार
पिपिएल–३मा भुमेश्वर युवा क्लबको लगातार दोश्रो जित

पिपिएल–३मा भुमेश्वर युवा क्लबको लगातार दोश्रो जित

बैतडी,
बैतडीको पाटनमा जारी तेश्रो संस्करणको पाटन प्रिमियर लिग (पिपिएल–३)मा भुमेश्वर युवा क्लबले लगातार दोश्रो जित हात पारेको छ । पहिलो खेलमा सहस्त्रलिङ्ग क्रिकेट क्लबलाई पारजित गरेको भुमेश्वरले आज भएको खेलमा दिप्चन क्रिकेट क्लबलाई २१ रनले पराजित गरेको छ ।
आज भएको अन्तिम खेलमा टस हारेर ब्याटिङको निम्ता पाएको भुमेश्वरले निर्धारित १५ ओभरमा ८ विकेट गुमाएर १३८ रन बनाएको थियो । भुमेश्वरका विनोद बिष्टले ३६, केशव टेरले २६ र दिनेश बिष्टले २५ रन बनाएका थिए । दिप्चनका आकाश भट्टराईले ३ तथा खेम भट्टराईले २ विकेट लिए ।
१३९ रनको विजयी लक्ष पच्छ्याएको दिप्चन क्रिकेट क्लबले ११७ रन मात्रै बनाउन सकेको स्कोरर दिपक बोहराले बताए । दिप्चनका कैलाश भट्टराईले ६२ रनको अर्धसतकीय पारी खेलेपनि जितका लागि प्रयाप्त भएन । टिमका लागि १३ रन हिर्काएर १ विकेट समेत लिएका भुमेश्वरका राज कुवँर म्यान अफ द म्याच चुनिएका स्कोरर दिपक बोहराले बताए ।
जारी प्रतियोगिता कार्तिक २४ गतेसम्म चल्ने छ । लिग चरणका म्याच सकिएपछि क्वाटर फाइनलाका खेलहरु हुने आयोजम पाटन क्रिकेट क्लबका अध्यक्ष किरन चन्दले जानकारी दिए ।

प्रकाशित मिति: मंगलबार, कात्तिक १४, २०८० १७:५३

प्रतिक्रिया दिनुहोस्