बैतडी
खुट्टाको अप्रेसन गराएका सिगास गाउँपालिका–३ कुराडी बैतडीका रघुबिर साउद विगत २३ दिन देखि जिल्ला अस्पतालको सइयामा छन् । ४१ बर्षिय साउँदको घर यसैबेला भुकम्पले भत्काएको छ ।
अहिले आधा भत्केको घरमा परिवारका ५ सदस्य बसिरहेकाछन् भने घरमा छाक टार्न एकदाना अन्न छैन् । दैनिक मजदुरी गरेर परिवार पाल्ने रघुबिरकी श्रीमती पनि अस्पतालमै कुरुवा बसेकाले घरमा मजदुरी गर्ने मान्छे पनि छैनन् ।
गाउँमा मजदुरी गर्दैगर्दा लडेर खुट्टामा चोट लागेका उनले पैषा अभावले समयमा अस्पताल पुग्नै पाएनन् ।
रघुबिरलाई औषधीका लागि आर्थिक अभाव भएको छ । उनले भने, ‘अस्पतालमा निःशुल्क पाइने औषधी मात्रै प्रयोग गरिरहेकाले उपचार निकै ढिलो भैरहेको छ । बाहिरबाट किन्नुपर्ने औषधीका लागि पैषा छैन् । घरमा बुढीआमा र ४ नाबालक बच्चाहरु छन् । उनिहरु भोकभोकै बसेका छन् । जिर्ण अवस्थाको सानो घरपनि भुकम्पले आधा भत्काइसक्यो । त्यस्तै घरमा जोखीम मोलेर बसेकाछन् ।’
रघुबिरको खुट्टाको एक औला भने ४बर्ष अघि नै मजदुरीको क्रममा भाचिँएको थियो । अहिलेपनि मजदुरी गरिरहदाँ खुट्टामा भम्गीर चोट लागेपछि अप्रेसन गराएका हुन् । उनको उपचार समस्या भएपछि सहयोगी दाताहरुबाट आर्थिक सहयोगका लागि याचना गरिरहेकाछन् ।
भुकम्पले घर भत्काएपछि राहतका लागि फोटो तयार गरेर राखेका राहत पाइने निकायमा जानै पाएनन् । अहिले अस्पतालको बेडमै झुण्ड्याएको झोलामा उनले राहतका लागि तयार गरेका कागजपत्रहरु राखेकाछन् । कतैबाट राहत नपाएका साउद गाउँघरमा जे काम पायो त्यसै काममा मजदुरी गर्दथे । घर बनाउन, बाटो बनाउन, विकास निर्माणका कामहरु तथा कुनैपनि काम पाएमा मजदुरको रुपमा काम गर्न तयार हुने उनले मजदुरी गर्न नपाउदाँ समस्या भएको हो ।
उनकी श्रीमति बेलमतिले भनिन्, ‘हामिलाई पीडा माथि पीडा भएको छ । अस्पतालमा बस्दा एकछाक भात खान समेत समस्या छ । एक थाल भात को संग माग्नु ? यहि बेलामा भुकम्पले घर भत्काएको छ । हामि दुवैजना गाउँमै भैदिएको भएपनि केहि न केहि काम गर्न हुन्थ्यो, ३बर्ष देखी १२ बर्ष सम्मका ४ छोरीछोरी घरमा छोडेका छौँ, उनिहरु के खान्छन्, कहाँ सुत्छन्, अत्तोपत्तो छैन्, हाम्रो जति पीडा कसलाई होला र ? कोहि दानी व्यक्तिहरु भएमा हाम्रो पीडा देखेर सक्दो सहयोग गर्नु होला की भन्ने आशा हो । विकल्पको बाटो केहि छैन् ।’
रघुबिरले आफ्नो पीडा देखेर कसै व्यक्तिले सहयोग गर्न चाहेमा आफ्नो खाता नम्बर सार्वजनिक गरेकाछन् । उनको राष्ट्रिय वाणिज्य बैंक बैतडी शाखामा रहेको तपसिलको खाता नम्बरमा पैषा जम्मा गरि उपचारमा सहयोग पु¥याउन सकिनेछ ।
नाम रघुबिर साउद, खाता न.४०५०१००१२९१०३०१०(राष्ट्रिय वाणिज्य बैंक बैतडी)
