बैतडीको भुमेश्वर मावि ठाँडमा भारतको सहयोगमा नयाँ विद्यालय भवन निर्माण हुने

प्रदेश समाचार

Home
प्रदेश समाचार
बैतडीको भुमेश्वर मावि ठाँडमा भारतको सहयोगमा नयाँ विद्यालय भवन निर्माण हुने

बैतडीको भुमेश्वर मावि ठाँडमा भारतको सहयोगमा नयाँ विद्यालय भवन निर्माण हुने

भारत सरकारको सहयोगमा बैतडीको पाटन नगरपालिका –४ ठाँडमा रहेको भुमेश्वर माविमा नयाँ भवन निमार्ण हुने भएको छ । नेपालमा सञ्चालित उच्च प्रभाव सामुदायिक विकास परियोजनाको सफल कार्यान्वयनको २० वर्ष पुगेको उपलक्ष्यमा भारत सरकारले दुई ओटा भवन निर्माणका सहयोग गरेको ।

मंगलबार भवन निर्माणका लागि भारतीय राजदूतावास, संघीय मामिला तथा सामान्य प्रशासन मन्त्रालय र पाटन नगरपालिकाबीच सम्झौता भएको नगरप्रमुख गौरीसिंह रावलले जानकारी दिए ।

४ करोड २६ लाख ४७ हजार ३३२ रुपैयाँको लागतमा भवन निर्माण गरिने उक्त भवन १५ महिनाभित्र दुईओटा भवन निर्माण गरिसक्ने लक्ष्यसहित सम्झौता भएको उनले बताए । सो रकम मध्ये २० प्रतिशत नगरपालिकाको लगानी रहने छ ।

भवन निर्माणका लागि भारतीय राजदूतावास र नेपाल सरकारसंग सम्झौता भइसकेकाले भवन निर्माण कार्य अघि बढ्न ढिलाई नहुने नगर प्रमुख रावलले बताए । सम्झौतापछि अब नगरपालिकामार्फत ठेक्का आह्वान भएर निर्माणको काम अघि बढ्ने उनले बताए ।