बैतडीमा बिडिसिए कप क्रिकेट शुरू

प्रदेश समाचार

Home
प्रदेश समाचार
बैतडीमा बिडिसिए कप क्रिकेट शुरू

बैतडीमा बिडिसिए कप क्रिकेट शुरू

बैतडीमा शनिबारदेखि बिडिसिए कप जिल्लास्तरीय एकदिवसीय क्रिकेट प्रतियोगिता शुरू भएको छ । बैतडी जिल्ला क्रिकेट संघको आयोजनामा आज दशरथचन्द क्रिकेट मैदान, सुन्दरखालीमा प्रतियोगिता सुरु भएको हो ।

उद्घाटनको पहिले खेलमा अहिले एनआरवाइसी र पञ्चकोटी भिडिरहेका छन्। पञ्चकोटीले टस जितेर ब्याटिङ गरिरहेको स्कोरर द्रोपती कुँवरले जानकारी दिनुभयो। प्रतियोगितामा सहभागी हुने १३ टोलीलाई चार समूहमा विभाजन गरि खेलहरू भइरहेका बैतडी जिल्ला क्रिकेट संघका अध्यक्ष विनोद बहादुर चन्दले जानकारी दिनुभयो ।

यो बर्ष बिडिसिए कप वान डे फम्र्याटमा भइरहेको बैतडी जिल्ला क्रिकेट संघले जनाएको छ ।विगत बर्षहरुमा टी–२० फम्र्याटमा सञ्चालन हुँदै आएको प्रतियोगिता यो बर्ष ५० ओभरमा भइरहेको बैतडी जिल्ला क्रिकेट संघका सचिव सिद्धराज बोगटीले बताउनुभयो।

प्रतियोगिताको विजेतालाई ५० हजार नगद पुरस्कारसहित ट्रफी, मेडल र प्रमाणपत्र प्रदान गरिनेछ भने उपविजेतालाई ३५ हजार नगदसहित ट्रफी, मेडल र प्रमाणपत्र प्रदान गरिने बैतडी जिल्ला क्रिकेट संघले जनाएको छ । प्रतियोगिताले क्रिकेटको विकासका साथै खेलाडी उत्पादनमा सहयोग पुग्ने विश्वास गरिएको छ।

प्रतियोगिताको नेपाल क्रिकेट संघका अध्यक्ष चतुरबहादुर चन्दले बलिङ र बैतडीका प्रमुख जिल्ला अधिकारी सुरेश पन्थीले ब्याटिङ गर्दै उद्घाटन गर्नुभयो। बिडिसिए कपको यो २० औं संस्करण हो।

प्रकाशित मिति: शनिबार, मंसिर १६, २०८० १२:४४

प्रतिक्रिया दिनुहोस्