बैतडीको पाटन नगरपालिकामा अझैपनि नियुक्त गरिएन प्रबक्ता

प्रदेश समाचार

Home
प्रदेश समाचार
बैतडीको पाटन नगरपालिकामा अझैपनि नियुक्त गरिएन प्रबक्ता

बैतडीको पाटन नगरपालिकामा अझैपनि नियुक्त गरिएन प्रबक्ता

बैतडी,
बैतडीको पाटन नगरपालिकाले नगर प्रबक्ता नियुक्त गर्न सकेको छैन । जिल्लाका अन्य पालिकाले नगर तथा गाउँपालिका प्रबक्ता तोकेको भएपनि जिल्लाको पाटन नगरपालिकाले हालसम्म नगर प्रबक्ता तोक्न नसकेको हो ।
नगर कार्यपालिकामा यस विषयको प्रस्ताव आउनै छोडेको कार्यपालिका सदस्यहरुले बताएका छन् । नगर प्रमुख वा उप्रमुखबाट प्रस्ताव नै नआएकाले प्रबक्ता नियुक्तीको प्रक्रिया अघि बढ्न नसकेको वडा नं ७ का वडा अध्यक्ष ललित बहादुर चन्दले बताए ।
नगर प्रबक्ताको लागि वडा नं ८ का वडा अध्यक्ष हरिश बिष्ट, वडा नं १० का वडा अध्यक्ष धन बहादुर कुवँर, वडा नं ५ का वडा अध्यक्ष फुनि सिंह बोहरा, वडा नं ६ का वडा अध्यक्ष राजेन्द्र बिष्ट लगायताका जनप्रतिनिधिहरुको दाबी रहेको छ ।
सामाजिक विकास समिति संयोजक समेत रहेका वडा नं ८ का वडा अध्यक्ष हरिश बिष्टले बलियो दावदारी राखेका छन् । नगरपालिकाका अधिकांश विषयसँग समेटिएको विषयगत समितिका संयोजक समेत रहेका बिष्टल प्रबक्तामा दाबी गरेका छन् । ‘सामाजिक, शैक्षिक लगायतका विषयगत जिम्मेवारीमा छु, नगर कार्यपालिकाबाट हुने निर्णय तथा सार्बजनिक महत्वका विषयमा पनि जानकारी लिइरहन्छु, त्यसैले पनि प्रबक्ताको लागि सामथ्र्य राख्छु,’ अध्यक्ष बिष्टले भने । नगर कार्यपालिकाले प्रबक्ता नियुक्त गर्ने भएकाले अधिकांशको साथ पाउनेमा विश्वस्त रहेको समेत बिष्टले बताए ।
दोश्रो कार्यकालमा निर्वाचित भएको र कार्यअनुभवका आधारमा पनि आफुले प्रबक्तामा दाबी गरेको वडा नं ६ का वडा अध्यक्ष राजेन्द्र बिष्टले बताए । कार्यपालिकामा प्रवेश पाउने वित्तिकै आफ्नो पनि दाबी राख्ने वडा नं ५ का वडा अध्यक्ष फुनि सिंह बोहराले बताए ।
अन्य जनप्रतिनिधिहरुले औपचारिक वा अनापचारिक रुपमा आफ्नो दावी रहेको बताइरहेका छन्
वडा नं १ का वडा अध्यक्ष तर्क सिंह ठगुन्नाले आफ्नो दाबी रहेपनि सहमती र सहकार्यमा आफु बाधक नरहेको बताए । प्रबक्ता नियुक्तीमा ढिलाई गर्न नहुने समेत ठगुन्नाको भनाइ छ ।
‘सहमती र सहकार्यमा बाधक छैन, म नै हुनुपर्ने भन्ने पनि छैन, दावी स्वभाविक रहन्छ’। ठगुन्नाले भने ।
कार्यपालिकामा यस विषयले प्रवेश पाएमा आवश्यक प्रक्रिया अपनाएर प्रबक्ता नियुक्त गरिने नगर उपप्रमुख कमल सिंह बोहराले बताए ।
आगामी कार्यपालिका बैठकमा यो विषयल प्रवेश पाउने नगर प्रमुख गौरी सिंह रावलले बताए । ‘प्रबक्ता नियुक्त गर्नुपर्ने हो, अबको कार्यपालिकामा प्रवेश गर्ने तयारीमा छौँ’ उनले भने ।
कार्यपालिकाको बैठकबाट नगर प्रबक्ता चयन गर्ने गरिएको छ । नगर प्रमुखले ल्याएको प्रस्तावमाथि छलफल गर्दै सहमती वा बहुमतीय प्रक्रियाबाट प्रबक्ता चयन हुने गरिएको छ ।
कार्यपालिकाबाट सार्बजनिक महत्वका निर्णयहरु सार्बजनिक गर्ने, नगरपालिकाका समसामयिक विषयमा जानकारी भएको जनप्रतिनिधिलाई प्रबक्ता नियुक्त गर्ने गरिएको छ ।
गरपालिकाका सबैजसो विषयमा सम्बन्धित निकाय वा आम नागरिकहरुलाई जानकारी दिनको लागि प्रबक्ता नियुक्त गनुपर्दछ ।