बैतडीको पाटन–८ की ६१ वर्षीया चन्तरा कक्षा १ मा पढ्दै

प्रदेश समाचार

Home
प्रदेश समाचार
बैतडीको पाटन–८ की ६१ वर्षीया चन्तरा कक्षा १ मा पढ्दै

बैतडीको पाटन–८ की ६१ वर्षीया चन्तरा कक्षा १ मा पढ्दै

उमेरले ६१ लाग्यो । तर नाती नातिनीसँगै क,ख... सिक्दैछिन् बैतडीको पाटन नगरपालिका–८ की चन्तरा महरा । नाती नातीनीहरुलाई पु¥याउन विद्यालयसम्म आउने गरेकी चन्तरा अहिले उनिहरुसँगै बढ्दै छिन् । गत वैशाखमै जनता मावि आरुबाटामा भर्ना भएकी चन्तरा कक्षा १ मा अध्ययन गर्दै छिन् । उमेरले नेटो काट्नै लागेको भएपनि बालबालिका झै भएर पढ्न थालेकी छन् । कविता पढ्ने, पढाउने र अक्षर चिनारी सिकिरहेकी छन् । विद्यालयका शिक्षकहरुले पढ्न सुझाव दिएपछि आफुपनि भर्ना भएको उनले बताइन् ।
विद्यालयमा भइरहने विभिन्न गतिबिधिमा सरिक हुदा चन्तराले पढाईको महत्व पनि बुझ्दै गएकी छन् । उमेर छदै पढ्न नपाउदा उनलाई अहिले ठूलो पछुतो छ ।
उनका लागि विद्यालयबाट पुस्तक, कापि, कलम लगायतका आवश्यक सामाग्रीहरु उपलब्ध गराइएको छ । पढाइलाई अझै अगाढी बढाउने उनको धोको पनि छ ।
घरपरिवार र सामाजले पनि उनको पढाईलाई सकारात्मक सुझाव पाइरहन्छिन् । परिस्थिति जे जस्तो भएतापनि पढाई नछोड्न विद्यार्थीहरुलाई सुझाव पनि दिने गरेकी छन् । गत वैशाखमा मात्रै भर्ना भएकी उनले अक्षर चिनारीसँगै नाम लोख्न र सरल शब्दहरु पढ्न थालीसकेकी छन् । शिक्षिका भागरथी बिष्टले बताईन् ।
उनको चाहाना अनुसार पढाईमा अझै पनि सहयोग गर्दैजाने विद्यालयका प्रद्याधान्यापक राम कुवँरले जानकारी दिए ।
साना बालबालिकाहरुलाई घरबाट विद्यालय पु¥याउनको लागि दिनहु विद्यालय आइरहने भएकाले शिक्षकहरुले पनि पढ्न उत्प्रेरीत गरेका थिए । अहिले अक्षर चिनारीसँगै नाम लेख्नसम्म भ्याईसकेकी छन् । चन्तराले यस ढल्किदो उमेरमा पनि बालबालिकासँगै विद्यालयमा अध्यायन गरिरहदा पढाईको महत्व झनै छर्लङ्ग पारीरहनु भएको छ ।

प्रकाशित मिति: बुधबार, मंसिर २०, २०८० ०८:४९

प्रतिक्रिया दिनुहोस्