बैतडीको दनपामा रनिङ शिल्डको तयारी तीब्र, विद्यालयहरुमा अभ्यास जारी

प्रदेश समाचार

Home
प्रदेश समाचार
बैतडीको दनपामा रनिङ शिल्डको तयारी तीब्र, विद्यालयहरुमा अभ्यास जारी

बैतडीको दनपामा रनिङ शिल्डको तयारी तीब्र, विद्यालयहरुमा अभ्यास जारी

बैतडी,
बैतडीको दशरथचन्द नगरपालिकामा यही पुस ५ गतेदेखि नगरस्तरीय राष्ट्रपति रनिङ् शिल्ड हुने भएको छ । त्यसका लागि रनिङ शिल्डमा सहभागिता जनाउने २१ वटा विद्यालयमा धमाधम तयारी भइरहेको छ ।

छत्रछात्रा भलिबल, कड्डी, सितोरियो कराते लगायतका एथ्लेटिक्सका सम्पूर्ण खेलहरु खेलाइने भलिबलका राष्ट्रिय खेलाडी समेत रहेका नगर खेलकुद विकास समितिका अध्यक्ष भुपेन्द्र चन्दले जानकारी दिए ।

सबै विद्यालयमा खेल शिक्षक छनौट गरिएको र ती शिक्षकहरुलाई तयारीका लागि प्रशिक्षण समेत प्रदान गरिएको चन्दले बताए । ‘खेलकुदलाई थप प्रतिस्पर्धात्मक बनाउनको लागि खेल शिक्षक छनौट गरेका थियौँ, तिनलाई रनिङ सिल्डको तयारीका लागि प्रशिक्षण समेत दिएका छ, विद्यालयहरुमा तयारी धुमधामसँग चलिरहेको छ ।’ चन्दले भने ।

प्रतियोगिताका सबै खेलहरु दशरथचन्द नगरपालिका २ स्थित निङ्गलासैनी खेलमैदानमा सञ्चालन गरिने छ । दशरथचन्द नगरपालिकाले सबै विधाका खेलहरुको विकासका लागि लगानी बढाइरहेका छ । जिल्लाका अन्य स्थानीय तहको तुलनामा दशरथचन्द नगरपालिकामा धेरै खेलकुदका प्रतियोगिताहरु आयोजना हुने गरेका छन् ।

पालिकास्तरको रनिङ सिल्ड सकिएपछि लगत्तै जिल्लास्तरीय खेलकुद प्रतियोगिता हुनेभएकाले आन्तरिक तयारी तिब्र पारिएको नगर खेलकुद विकास समितिले जनाएको छ । नगर प्रमुख पुष्करराज जोशी “लख्खाभाई” र उपप्रुख कौसिला चन्दल लगायतका कार्यपालिका सदस्य समेत खेलप्रेमी भएकाले यहाँ खेलकुदमा लगानी बढाउने गरिएको छ ।

प्रकाशित मिति: आइतबार, मंसिर २४, २०८० १७:१६

प्रतिक्रिया दिनुहोस्