सुर्नया–३हत्या प्रकरणः चौपाया समेत त्रसित हुनेगरी भएको क्रूर घटना

प्रदेश समाचार

Home
प्रदेश समाचार
सुर्नया–३हत्या प्रकरणः चौपाया समेत त्रसित हुनेगरी भएको क्रूर घटना

सुर्नया–३हत्या प्रकरणः चौपाया समेत त्रसित हुनेगरी भएको क्रूर घटना हरिनाको टाउकोमा क्षतबिक्षद हुनेगरी सब्बलले हिर्काइ रहेका चन्दले हरिनाको हत्यापछि पशु चौपाया समेत मरणासन्न हुनेगरी हिर्काएका थिए । चौपाया अझै घर फर्किरहेका छैनन् ।

कृष्ण बिष्ट बुधबार, मंसिर २७, २०८०

बैतडी,
मंगलबार दिउँसोको समयमा बैतडीको सुर्नया गाउँपालिका–३की ५६ वर्षीया हरिना बिष्ट घरयासी कामममा व्यस्त थिइन् । घरमा रहेका अन्य सदस्यमध्ये श्रीमान गोठाला गएका थिए भने बुहारी मेलापात गएकी थिइन । जेठी नातनी शुसिला विद्यालयबाट घर फर्किएकी थिइन् । उनि २ वर्षीय भाईसँग थिइन् ।
छिमेकी समेत रहेका तेज बहादुर चन्द एक्कासी आक्रमक व्यवहार देखाएर आफुतिर आएको चाल पाएपछि हरिना दगुर्दै घर भित्र पसिन् । मानसिक सन्तुलन गुमाएका चन्द एकसरो हरिनाकै पछि परेर ढोका फोड्न थाले । त्यसबिचमा हरिनाले जेठी नातनी सुशिलालाई घरभित्रैबाट “भाईलाई लगेर भाग” भनेपछि शुसिला घरको कान्लामा लुग्न सफल भइन् ।
सब्बलले केहीबेरमा ढोका फोडेर भित्र गएका चन्दले सब्बलले टाउँकोमा बजारे । त्यसपछि शरिरका अन्य भागमा सब्बल र घरभित्र भेटिएका अन्य हातहतियार प्रयोग गरी बीभत्स हत्या गरेर शवलाई ढोकामा लछारेर बाहिर आए । ढोकामा शव फालेका चन्दले घरनै रगताम्मे भइसकको थियो ।
त्यसपछि घरमा रहेका साना बाख्राका दुई पाठालाई समेत हतियार प्रयोग गरेर निमोठेर मारे । चन्द त्यतीकैमा रोकिएनन् । सोही घरमा रहेका अन्य पशुचौपाया र छिमेकी पदम बिष्टको गोरुको टाउकोमा सब्बल बजारे र भैसीलाई समेत सब्बलले हानिरहे । गोरु र भैँसी किलो उखेलेर भागे । स्थानीयहरुका अनुसार अझैपनि भैँसी र गोरु घर फर्किएका छैनन् ।
उक्त घटना भएको केही समयसम्म स्थानीय समेत गाउँ नै छाडेर भागेका थिए । हतियार सहित प्रहरी घटनास्थलमा पुगेपछि स्थानीयहरु घटनास्थलमा जम्मा भएका थिए ।
केही वर्ष पहिला मानसिक सन्तुलन गुमाएका चन्द केहिलेकाही औषधीको प्रयोगले ठिक हुने गरेका थिए । केही समय भारत समेत बसेका चन्द एक एक्कासी आक्रामक व्यवहार देखाएका थिए । मंगलबार भने आक्रमक व्यवहारले सिमा नाघेपछि हरिनाको बीभत्स हत्या गरे भने गाउँ नै एक सयम त्रसित बनाईदिएका छन् । गाउँमै बीभत्स घटना भएपछि शोकका डुबेको शिक्षक समेत रहेका स्थानीय भुवन भट्टले बताए ।
स्थानीयहरुका अनुसार मानसिक सन्तुलन ठिक नभएका चन्दले २ वर्ष पहिले एक भैँसी र एक गाईलाई समेत मारेका थिए ।

प्रकाशित मिति: बुधबार, मंसिर २७, २०८० १०:३२

प्रतिक्रिया दिनुहोस्