आँखा उपचार केन्द्र पुर्चाैडीः स्वामित्व र आम्दानी नगरपालिकाकै, सैयौले सेवा पाएको दाबी

प्रदेश समाचार

Home
प्रदेश समाचार
आँखा उपचार केन्द्र पुर्चाैडीः स्वामित्व र आम्दानी नगरपालिकाकै, सैयौले सेवा पाएको दाबी

आँखा उपचार केन्द्र पुर्चाैडीः स्वामित्व र आम्दानी नगरपालिकाकै, सैयौले सेवा पाएको दाबी

बैतडी,
बैतडीको पुर्चाैडी नगरपालिकाले आँखा उपचार केन्द्रको स्वामित्व आफैसँग राख्नेगरी स्थापना गरेको जनाएको छ । नगरपालिका र च्यारीटी हेल्थ फाउन्डेसन नेपालबीच भएको सम्झौता पत्रमा नगरपालिकाकै पूर्ण स्वामित्वमा सञ्चालन गरिने र उक्त उपचार केन्द्रबाट आर्जन गरिने आम्दानी नगरपालिकाको आन्तरिक आम्दानीमा दाखिला गरिने पनि सम्झौतामा उल्लेख गरिएको छ ।
सुफथ मुल्यमा नागरिकहरुलाई उपचार सेवा दिने सम्झौतामा उल्लेख गरिएको छ भने शल्यक्रिया गर्नुपर्ने स्थितिका बिरामीहरुलाई निशुल्क शल्यक्रियाको प्रवन्ध मिलाईने नगरपालिकाले जनाएको छ ।
नगर प्रमुख दिपक बहादुर बमले नगरबासीको सहजताका लागि नै उपचार केन्द्र स्थापना गरिएको जानकारी दिए । हालसम्म एक पटक शिविरको आयोना गरिएको छ । उक्त शिविरबाट ५ सय भन्दा बढीले एकै पटक शल्यक्रिया सेवा लिएका थिए । यसैगरी ७५१ जनाले नियमित सेवा लिएको नगर प्रमुख बमले बताए । ‘यति जनाले सेवा लिए, शिविरमा ४९२ जनाले निशुल्क शल्यक्रिया गरेका थिए, अझै पनि रेफर गरिएका आँखाका बिरामीको निशुल्क शल्यक्रिया हुने गरेको छ, फागुनसम्म अर्काे शिविरको आयोजना गर्दै छौँ,’ प्रमुख बमले भने ।
२०७९ कार्तिक २२ गतेदेखि सञ्चालनमा आएको उपचार केन्द्रबाट हालसम्म ३ लाख रुपैया आम्दानी गरिएको छ । उक्त रकम नगरपालिकाको खातामा जम्मा भएको प्रमुख बमले बताए ।
आन्तरिक आम्दानी पनि हुने र उपचार सेवा समेत सहजै नागरिकहरुले पाइरहेकाले यसमा बिरोध गर्नुको अर्थ नरहेको वडा नं १ का वडा अध्यक्ष गणेश गडालले जानकारी दिए ।
सम्झौतामा नागरिकहरुको हसज पहुँचको लागि स्थापना गरिएको आखा उपचार केन्द्रमा प्रभावकारी सेवा सुचारु नभएको नागरिकहरुले गुनासो गरेका थिए ।
नगरपालिकाले उपचार केन्द्र स्थापनाको लागि ९ लाख आर्थिक सहयोग गरेको थियो । उक्त आर्थिक सहयोगबाट कार्यालय सहयोगीसहित ३ जना कर्मचारीको पारीश्रमिक दिने गरिएको बताइएको छ।

प्रकाशित मिति: बुधबार, मंसिर २७, २०८० १४:१४

प्रतिक्रिया दिनुहोस्