बैतडी ।
ज्ञानेश्वर माद्यमिक विद्यालयमा स्थापना गरिएको "वडाअध्यक्ष अक्षयकोष"बाट पढाइमा उत्कृष्ट २ जना विद्यार्थीहरुलाई पुरुस्कार दिइएको छ ।
पाटन नगरपालिका–९का निर्वतमान वडाअध्यक्ष लोकेन्द्र भण्डारीले आफ्नो कार्यकालमा स्थापना गरेको वडाअध्यक्ष अक्षय कोषबाट जगदीश बिष्ट र ममता बोहरालाई पुरुस्कार दिइएको हो ।
उनिहरु दुवैजना छात्र र छात्राबाट विद्यालयभरीमा उत्कृष्ट विद्यार्थी हुन् । जगदीश कक्षा १२का छात्र हुने भने ममता कक्षा १०मा अध्ययनरत छीन् । उनिहरु अघिल्लो शैक्षिक सत्रको मुल्यांकनको आधारमा उत्कृष्ट अंकका साथ उर्तिण भएका विद्यार्थी हुन् ।
अक्षयकोषको रकम प्रदान गर्दै निवर्तमान वडाअध्यक्ष भण्डारीले शैक्षिक क्षेत्रको विकास र विद्यार्थीहरुको हौसला बढाउनका लागि अक्षयकोष स्थापना गरेको बताए । आफु वडाअध्यक्ष हुदाँ उनले आफ्नो सेवा सुविधाको रकमबाट ज्ञानेश्वर माविका साथै सिद्धेश्वर मावि हुक्केडाडाँ र सरस्वती मावि किचारमा समेत अक्षयकोष स्थापना गरेकाथिए । उक्त अक्षयकोषबाट विद्यालय भरीमा उत्कृष्ट अंक ल्याउने एकजना छात्र र एकजना छात्रालाई वार्षिकोत्सवका दिन पुरुस्कार दिइदैँ आएको छ ।
यसैगरी "पितृदेव अक्षय कोष"बाट ६ जना विद्यार्थीहरुलाई पुरुस्कार वितरण गरिएको छ । सामाजीक क्षेत्रमा कार्यरत सेर सिंह बिष्ट र दाजुभाइले आफ्ना बुवा तथा काकाहरुको नामबाट स्थापना गरेको १लाख रकमको अक्षयकोषको व्याज रकमबाट पुरुस्कार वितरण गरिएको हो । उक्त अक्षयकोषबाट दलित, गरिव, जेहेन्दार, अनुसाशीत र फरक क्षमता भएका मध्ये एकएक जनालाई २हजार ५सय रकमका दरले पुरुस्कार दिइएको हो । उक्त पुरुस्कार शेरसिंहकी ठुली आमा ९१बर्षीय गौमती बिष्ट र छोराहरुले वितरण गरेका हुन् ।
उक्त पुरुष्कार पाउनेमा कक्षा ११की मनिसा विजले, कक्षा १०की पृया बिक, कक्षा ५की जयन्ती बिष्ट, कक्षा ४का रिपेन बिष्ट, कक्षा ६का सुरेश भट्ट र कक्षा १०का पवन प्रकाश महरा रहेकाछन् ।
ज्ञानेश्वर माद्यमिक विद्यालय पाटन–०९को ४९औँ वार्षिकोत्सव समारोह आज विभिन्न सांस्कृतिक कार्यक्रमका साथ भव्य रुपले मनाइदैँछ । विद्यालय व्यवस्थापन सकिति अध्यक्ष हरीष बिष्टको अध्यक्षतामा मनाइएको वार्षिकोत्सव समारोहका प्रमुख अतिथी पाटन नगरपालिकाका मेयर गौरीसिंह रावल रहेकाछन् ।
