बैतडी ।
सिमान्तकृत महिलाहरुका लागि महिला संस्था वामले लैङ्गिक हिंसा व्यवस्थापन सम्वन्धी आचारसंहिता बारे अन्तरक्रिया सम्पन्न गरेको छ ।
जिल्ला स्थीत लैङ्गिक हिंसा न्यूनिकरणका बिषयमा कामगर्ने संघसस्था, नागरिक समाज तथा दशरथचन्द नगरपालिकाका जनप्रतिनिधीहरु संग छलफल गरिएको हो ।
छलफलमा लैङ्गिक हिसां तथा सामाजिक रुपमा व्याप्त हानिकारक प्रथाहरुको न्यूनिकरण बारे छलफल गरिएको वामका फिल्ड अधिकृत जयराम विश्वकर्माले बताए ।
युरोपियन युनियन र अक्सफामको सहयोगमा युथ लिड जेसि परियोजना अन्तर्गत सिमान्तकृत महिलाहरुका लागी महिला सस्था(वाम) को आयोजनामा लैगीक हिंसाका घटनाहरु व्यवस्थापन सम्वन्धी आचार संहिताका बारेमा छलफल कार्यक्रम सम्पन्न भएको उनले बताए ।
दशरथचन्द नगरपालिकामा रहेका सरोकारवाला निकायहरुको सहभागीतामा लैगिंक हिंसाका घटनाहरु व्यवस्थापन सम्बन्धी स्थानिय स्तरमा भएका अभ्यासहरु र देखा परेका समस्या तथा चुनौती बारेमा छलफल गरीनुका साथै लैगिंक हिंसाका घटनाहरु व्यवस्थापनमा सेवा प्रदायकहरुले ध्यान दिनुपर्ने आचरण र आचार संहिताका बारेमा छलफल भएको हो ।
छलफल क्रममा सवैले लैङ्गिक हिंसा प्रभावित व्यक्ति सेवालिन आएका बखत तुरुन्त सेवा उपलव्ध गराउनु पर्ने, लैङ्गिक हिंसा प्रभावितलाई सेवा पु¥याउने कर्तव्य पालना गर्दा लैङ्गिक हिंसा प्रभावित व्यक्तिसँग शिष्ट् मर्यादित व्यवहार गर्नु पर्ने, आफुले पु¥याउनु पर्ने सेवा निर्धारित समयमै छिटो छरितो तरिकाले पु¥याउनु पर्ने, लैङ्गिक हिंसा प्रभावितलाई सेवा लिनका लागि आफुभन्दा माथिको निकायमा वा संस्थामा प्रेषण गर्नु पर्ने अवस्था आएमा आवश्यक कागजात तयार गरी सुरक्षित तवरले प्रेषण गरिएको संस्थामा पुग्न सक्ने व्यवस्था मिलाउनु पर्ने, विना भेदभाव सबै हिंसा प्रभावितलाई आवश्यक सेवा उपलव्ध हुने कुरा सुनिश्चितता गर्नुपर्ने नागरिक समाजका अगुवा कर्ण दयालले बताए ।
लैङ्गिक हिंसा प्रभावितलाई सेवा प्रवाह गर्दा समानताको व्यवहार अवलम्वन गर्नु पर्ने, सेवा प्रदान गर्न एक भन्दा बढी निकायसँग समन्वय/सहकार्य गर्नुपर्ने आवश्यकता भएमा कुनै कसुर बाँकी नहुने गरी समन्वय/सहकार्यको व्यवस्था मिलाउनु पर्ने सेवा प्रदान गर्ने क्रममा हिंसा प्रभावितको गोपनियता र सुरक्षा सुनिश्चित गर्नुपर्ने, सार्वजनिक रुपमा प्रदान गरिने सेवाको गुणस्तरीयता सुनिश्चित गर्नुपर्ने सहभागीको भनाई छ । लैङ्गिक हिंसा प्रभावितले एकीकृत रुपमा गुणस्तरीय सेवा पाउने अधिकार सुनिश्चित हुने गरी प्रदायकले जवाफदेहीता वहन गर्नुर्ने सेवाग्राहीका गुनासो भएमा सोको समुचित व्यवस्थापनको व्यवस्था मिलाउनु पर्ने बिषयमा सरोकारवालाले ध्यान दिनुपर्ने सहभागीले बताएकाछन् ।
लैङ्गिक हिंसासम्बन्धी अन्य सेवाहरूका बारेमा शिक्षा, अभिमुखीकरण तथा सूचना दिने जटिल समस्यालाई उच्चस्तरका स्वास्थ्य संस्थामा पठाउने कुराहरुमा सहभागीले प्रतिवद्धता जाहेर गरेका छन् ।
सिमान्तकृत महिलाहरुका लागी महिला सस्था (वाम) ले विगत २ वर्ष देखि बैतडी जिल्लाको पाटन र दशरथचन्द नगरपालिका मा परियोजना सञ्चालन गर्दै आई रहेको छ । स्थानिय स्तरमा वितिmय साक्षरता कक्षाहरु सञ्चालन गरी युवा तथा महिलाहरुलाई व्यवसायीक रुपमा अग्रसर हुन योगदान पुर्याएको छ ।
