बिडिसिए कपको उपाधि निङ्गलाशैनी क्रिकेट क्लबले हात पारे

खेल

Home
खेल
बिडिसिए कपको उपाधि निङ्गलाशैनी क्रिकेट क्लबले हात पारे

बिडिसिए कपको उपाधि निङ्गलाशैनी क्रिकेट क्लबले हात पारे

Ning1703081545.jpg

बैतडीमा सम्पन्न २०औं संस्करणको बिडिसिए कप जिल्लास्तरीय एकदिवसीय क्रिकेट प्रतियोगिताको उपाधि निङ्गलाशैनी क्रिकेट क्लबले हात पारेको छ ।

बुधबार सम्पन्न फाइनल खेलमा दशरथचन्द एकेडेमीमाथि १ विकेटको संघर्षपूर्ण जित निकाल्दै निङ्गलाशैनीले उपाधि हात पारेको हो । उपाधिसंगै निङ्गलाशैनीले ५० हजार नगद पुरस्कारसहित ट्रफी, मेडल र प्रमाणपत्र हात पारेको छ । एकेडेमीले ३५ हजार नगदसहित ट्रफी, मेडल र प्रमाणपत्रमा चित्त बुझायो ।

एकेडेमीले दिएको २२९ रनको लक्ष्य पछ्याएको निङ्गलाशैनीले ४६.१ ओभरमा ९ विकेटको क्षतिमा लक्ष्य पूरा गर्यो । जसमा खडक बोहराले अर्धशतकीय पारी खेले । म्यान अफ द फाइनल बनेका खडकले ८२ रन जोडे । एकेडेमीका सन्तोष चन्दले ४ विकेट हात पारे । त्यसअघि दशरथचन्द क्रिकेट मैदान,सुन्दरखालीमा टस जितेर ब्याटिङ गरेको एकेडेमी ४९ ओभरमा २२८ रनमा समेटियो ।

उसका बसन्त खत्रीले ५८ रनको योगदान गरे । निङ्गलाशैनीका कप्तान ऋषिकेश बोहरा र खडक बोहराले ३र३ विकेट हात पारे । यसैबीच प्रतियोगिताभर ५४६ रन र ८ विकेट लिन सफल निङ्गलाशैनीका खडक बोहरा सर्वोत्कृट खेलाडी र बेस्ट बलर हुँदै साढे ७ हजार पुरस्कार हात पारे ।

प्रतियोगितामा १४ विकेट लिएका एकेडेमीका बसन्त खत्री बेस्ट बलर हुँदै २ हजार ५ सय पुरूस्कार पाए । सुदूरपश्चिम प्रदेशका निवर्तमान मुख्यमन्त्री राजेन्द्रसिंह रावल,नेपाल क्रिकेट संघ क्यानका अध्यक्ष चतुरबहादुर चन्द,दशरथचन्द नगरपालिकाका उपप्रमुख कौशिला चन्दलगायतले विजेताहरुलाई पुरस्कार वितरण गरे । बैतडी जिल्ला क्रिकेट संघको आयोजनामा गत मंसिर १६ गतेदेखि शुरू भएको प्रतियोगितामा १३ टोली सहभागिता रहेको थियो ।

प्रकाशित मिति: बिहीबार, पुस ५, २०८० ०७:४४

प्रतिक्रिया दिनुहोस्