बैतडी: पुर्चाैडीले माघ महिनादेखी शिक्षक कर्मचारीहरुको तलब मासिक रुपमा उपलब्ध गराउने

प्रदेश समाचार

Home
प्रदेश समाचार
बैतडी: पुर्चाैडीले माघ महिनादेखी शिक्षक कर्मचारीहरुको तलब मासिक रुपमा उपलब्ध गराउने

बैतडी: पुर्चाैडीले माघ महिनादेखी शिक्षक कर्मचारीहरुको तलब मासिक रुपमा उपलब्ध गराउने

बैतडीको पुर्चाैडी नगरपालिकाले पालिका भित्रका सामुदायिक विद्यालयहरुमा कार्यरत शिक्षक कर्मचारीहरुलाई माघ महिनादेखी मासिक रुपमा उपलब्ध गराउने निर्णय गरेको छ । बिहीबार प्रमुख प्रशासकिय अधिकृत बिनोद कुमार कुँवरको अध्यक्षतामा बसेको पालिकामा कार्यरत कर्मचारीहरुको बैठकले उक्त निर्णय गरेको हो ।

विगतका आर्थिक वर्षमा त्रैमासिक रुपमा उपलब्ध गराउदै आएको शिक्षक कर्मचारीको तलब माघ महिनादेखी उनीहरुलाई नियमीत रुपमा उपलब्ध गराउने निर्णय गरिएको प्रमुख प्रशासकीय अधिकृत कुँवरले जानकारी दिए ।

यस्तै उक्त बैठकले अपांगता भएका व्यक्तिहरुलाई वर्ग तथा श्रेणीअनुसार पौष १० गतेदेखी परिचय पत्र वितरण वितरण गर्ने, नगरपालिकाको प्रवेश द्वारमा सेवाग्राहीहरुको सहजता लागि सोधपुछ कक्ष स्थापना गर्ने, पालिका भित्रका विभिन्न सरकारी कार्यालयहरुमा प्रशासनिक सुसान प्रवद्र्धधनका लागि नियमीत अनुगमन गर्ने निर्णय गरिएको कुवँरले बताए ।

यसैगरी चालु आर्थिक वर्षको सामाजिक सुरक्षा भत्ता वितरणमा ढिलाई भएकाले विद्यूतिय भुक्तानी प्रणालीमा आवद्ध गरि यहि पौष १५ गतेभित्र वितरण गर्ने लगायतका निर्णयहरु गरिएको नगरपालिकाले जनाएको छ ।

niryan 11703166402.jpg